افغانستان کے خلاف میچ میں کے ایل راہل نے کی بڑی غلطی ، دھونی کو بھگتنا پڑا خمیازہ ، اب ہورہا ہے پچھتاوا

Source: S.O. News Service | By Shahid Mukhtesar | Published on 27th September 2018, 2:00 PM | اسپورٹس |

د بئی ، 27؍ستمبر (ایجنسی) ہندوستان اور افغانستان کے درمیان منگل کو کھیلا گیا دلچسپ میچ ڈرا ہوگیا ۔ افغانستان نے پہلے بلے بازی کرتے ہوئے سلامی بلے باز شہزاد کی شاندار سنچری کی بدولت 252 رن بنائے ، جس کے جواب میں ٹیم انڈیا بھی 252 رن بناکر ہی آل آوٹ ہوگئی ۔ اس میچ میں ہندوستان کے سلامی بلے باز کے ایل راہل نے 60 رنوں کی شاندار اننگز کھیلی ، مگرانہوں نے ایک بڑی غلطی کردی ، جس کا خمیازہ ایم ایس دھونی اور دنیش کارتک کو بھگتنا پڑگیا ۔

اب کے ایل راہل کو بھی اپنی اس غلطی پر افسوس ہورہا ہے ۔ میچ کے بعد منعقدہ پریس کانفرنس میں جب کے ایل راہل سے ان کے ریویو کو لے کر پوچھا گیا تو انہوں نے کہا کہ انہیں لگا کہ وہ بچ جائیں گے ، مگر ایسا نہیں ہوسکا ۔ ساتھ ہی ساتھ انہوں نے کہا کہ بعد میں مجھے لگا نہیں لینا چاہئے تھا ، مگر اس وقت مجھے لگا کہ شاید گیند اسٹمپ کے باہر لگی ہے تو میں نے یہ موقع لے لیا ۔ راہل نے مزید کہا کہ اگر دوبارہ ایسا ہوتا ہے تو میں اس سلسلہ میں فیصلہ کرنے کے بارے میں اچھی پوزیشن میں رہوں گا ۔

دراصل افغانستان کے اسٹار گیند باز راشد خان کے گیند پر راہل ایل پی ڈبلیو آوٹ ہوگئے ۔ دیکھنے میں بھی لگ رہا تھا کہ وہ آوٹ ہیں ، مگر انہوں نے ڈی آر ایس لے لیا ۔ ریویو میں بھی انہیں آوٹ ہی قرار دیا گیا اور ساتھ ہی ساتھ ریویو بھی ختم ہوگیا ۔ اس کے بعد دھونی کو بھی ایل پی ڈبلیو آوٹ دیا گیا ۔ تاہم ری پلے میں یہ صاف نظر آرہا تھا کہ دھونی آوٹ نہیں ہیں اور گیند اسٹمپ چھوڑ کر جارہی ہے ۔ مگر راہل کے ذریعہ ریویو ختم کردئے جانے کی وجہ سے وہ ریویو نہیں لے سکے اور انہیں پویلین کی طرف لوٹنا پڑگیا ۔

یہی نہیں دنیش کارتک بھی غلط امپائرنگ کا شکار ہوگئے ، مگر وہ بھی ریویو نہیں لے سکے ۔ ان کے بھی ری پلے میں نظر آرہا تھا کہ گیند اسٹمپ کو چھوڑ کر جارہی ہے ۔ میچ بھی یہیں سے پلٹ گیا ، کیونکہ وہ اچھی لے میں نظر آرہے تھے اور 44 بناکر کھیل بھی رہے تھے ۔ اگر ان کے پاس ریویو ہوتا تو وہ نہ صرف بچ جاتے بلکہ میچ کا نتیجہ بھی کچھ اور ہوسکتا تھا ۔

ایک نظر اس پر بھی

ہندوستان اور آسٹریلیا پرتھ ٹسٹ میں وراٹ کوہلی نے لگائی 25ویں سنچری

ہندوستان اور آسٹریلیا کے بیچ کھیلے جا رہے پرتھ ٹسٹ کے تیسرے دن ہندوستانی ٹیم کے کپتان وراٹ کوہلی نے 25ویں سنچری لگا دی۔ ان کی سنچری کی مدد سےہندوستان نے آسٹریلیا کو زبردست جواب دیا ہے۔ کوہلی اس سیریز کے پہلے میچ میں کامیاب نہیں ہوئے تھے اورسستے میں آوٹ ہوگئے تھے لیکن پرتھ ...

وراٹ کوہلی اور پرتھوی شا کی نصف سنچریوں کی بدولت ہندوستان نے بنا358 رنز

شاندار فارم میں چل رہے کپتان وراٹ کوہلی (64) اور نوجوان پرتھوی شا (66) سمیت پانچ ہندوستانی بلے بازوں نے نصف سنچری جمائے جس کی مدد سے ہندوستان نے کرکٹ آسٹریلیا الیون کے خلاف بارش سے متاثر پریکٹس میچ میں دوسرے دن 358 رن بنائے۔جواب میں کرکٹ آسٹریلیا الیون نے چار اوور میں بغیر کسی نقصان ...

پاکستان کو زبردست جھٹکا: بی سی سی آئی کا ہندوستانی ٹیم کو پاکستان بھیجنے سےانکار

 ہندوستانی کرکٹ کنٹرول بورڈ (بی سی سی آئی) نے آئندہ ایمرجنگ نیشنس کپ کیلئے ہندوستانی ٹیم کو پاکستان بھیجنے سے انکارکردیا ہے۔ حال ہی میں معاوضے کے سلسلے میں کیس جیتنے والی بی سی سی آئی نے ہندوستانی ٹیم کو پاکستان بھیجنے سے انکارکیا ہے۔

اردویونیورسٹی میں پہلے آزاد راؤنڈ رابن لیگ والی بال ٹورنمنٹ کا انعقاد

نظامت جسمانی تعلیم و کھیل کود، مولانا آزاد نیشنل اردو یونیورسٹی کے زیر اہتمام پہلے آزاد راؤنڈ رابن لیگ والی بال ٹورنمنٹ 2018 کا انعقاد یونیورسٹی اسپورٹس کمپلیکس میں عمل میں آیا۔ ایک روزہ ٹورنمنٹ کو ریڈ ہلز والی بال ٹیم نے جیت لیا۔ مہمانِ خصوصی ڈاکٹر محمد اسلم پرویز، وائس ...

میرے بیان کو توڑ مروڑ کر پیش کیا گیا اے ایم یو کے نام سے’مسلم‘ لفظ ہٹانے کی بات نہیں کہی:سابق ہاکی کھلاڑی ظفر اقبال

ہندوستانی ہاکی ٹیم کے سابق کپتان اور اولمپک کھیلوں کے گولڈ میڈلسٹ ٹیم کے رکن رہ چکے ظفر اقبال نے ان کے ذریعہ علی گڑھ مسلم یونیورسٹی (اے ایم یو) کا نام بدلنے کی حمایت کرنے کی خبروں پر نارازگی ظاہر کی ہے۔ظفر نے کہا کہ ان کے بیان کو توڑ مروڑ کر پیش کیا جا رہا ہے۔اے ایم یو کے طالب علم ...

وراٹ کوہلی ٹاپ پربرقرار، ربادا پھر بنے نمبر ون گیندباز

ہندوستانی کپتان وراٹ کوہلی آسٹریلیا کے خلاف چار ٹیسٹ میچوں کی اہم سیریز سے پہلے آئی سی سی ٹیسٹ بلے بازی رینکنگ میں ٹاپ پربنے ہوئے ہیں جبکہ جنوبی افریقہ کے کیگسو ربادا پھر دنیا کے نمبر ایک ٹیسٹ بولر بن گئے ہیں۔آئی سی سی کی بدھ کو یہاں جاری رینکنگ کے مطابق کوہلی کے 935 پوائنٹس ہیں۔