سابق وزیر اعلیٰ سدارامیا اورکے سی وینوگوپال کی اے منجو کو منانے کی کوشش
بنگلورو،17؍مارچ (ایس او نیوز) ہاسن لوک سبھا حلقہ میں مخلوط امیدوار پرجول ریونا کی مخالفت میں کانگریس پارٹی ترک کرنے پر آمادہ اے منجو کو کے سی وینوگوپال اور سدارامیا منانے کی کوشش کررہے ہیں۔ انہوں نے منجو سے کہا کہ جلد بازی نہ کریں۔ لوک سبھا انتخابات کے بعد مسائل حل کرلیں گے۔ دونوں قائدین نے فون کے ذریعہ انہیں راضی کرنے کی ہر ممکن کوشش کی ہے۔ کہا کہ بی جے میں شمولیت سے سیاسی مستقبل تباہ ہوجائے گا۔ کانگریس چھوڑدیں تو آئندہ دنوں میں غیر یقینی سیاسی صورتحال کی پریشانی جھیلنی پڑسکتی ہے۔