’’عالمی یومِ اردو‘‘ کے موقع پر صحافی، شعرا اور اہم علمی شخصیات کو اعزازات دیے جائیں گے

Source: S.O. News Service | By S O News | Published on 8th November 2018, 9:57 PM | ملکی خبریں |

نئی دہلی، 08نومبر(آئی این ایس انڈیا؍ایس او نیوز) انجمن ارتقاء اردو ادب نیپال اور اردو ڈیولپمنٹ آرگنائزیشن نیپال یونٹ کی جانب سے عالم اسلام کی معروف علمی شخصیت حضرت مولانا شیخ صلاح الدین مقبول احمد مدنی کو علامہ شیخ ابن تیمیہ ایوارڈ برائے علمی خدمات، جناب شاہد صدیقی (چیف ایڈیٹر، ہفت روزہ ’نئی دنیا‘ دہلی) کو نیپال کا سب سے بڑا ایوارڈ ہمالیائی اردو ایوارڈ برائے تفتیشی صحافت، ڈاکٹر خالد انور(چیف ایڈیٹر، ہمارا سماج دہلی، پٹنہ) کو مولانا ابوالکلام آزاد ایوارڈ برائے تحقیقی صحافت، محمد مستقیم (چیف ایڈیٹر، سیاسی تقدیر) کو مولانا عثمان فار قلیط ایوارڈ برائے صحافت، لکھنؤ کے معروف شاعر جناب احسن اعظمی کو شعری خدمات پرحفیظ جالندھری ایوارڈ سے نوازنے کا اعلان کیا۔ انجمن ارتقاء اردو ادب نیپال اور اردو ڈیولپمنٹ آرگنائزیشن نیپال یونٹ کے سربراہ مولانا زاہد آزاد جھنڈانگری (نیپال) نے کہا کہ عالمی یومِ اردو کی تقریب چند نامساعد حالات کے سبب نیپال میں منعقدنہیں ہوگی لہٰذا انٹرنیشنل کمیٹی کے زیراہتمام دہلی میں منعقد ہونے والی عالمی یوم اردو تقریب میں ہم مذکورہ شخصیات کوایوارڈز دیں گے۔ عالمی یوم اردو منتظمہ کمیٹی کے کنوینر ڈاکٹر سیّد احمد خاں نے تصدیق کرتے ہوئے جاری بیان میں کہاہے کہ ہماری جانب سے اور نیپال یونٹ کے ایوارڈز بھی ۹؍نومبر کو شام چار بجے غالب اکیڈمی، بستی حضرت نظام الدین، دہلی میں تقسیم کیا جائے گا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...