کاروار:جوئیڈا میں پولس اور فاریسٹ محکمہ کی مشترکہ کارروائی :پانچ لاکھ سے زائد مالیت کی لکڑیاں ضبط ، ایک گرفتار
کاروار:09؍فروری (ایس او نیوز) اترکنڑا ضلع کے جوئیڈا میں پولس اور فاریسٹ محکمہ کی مشترکہ کارروائی کرتےہوئے پولس کوارٹرس میں سپلائی کے لئے غیر قانونی طورپر ذخیرہ کردہ پانچ لاکھ روپئے سے زائد مالیت کی لکڑی ضبط کرتے ہوئے ایک ملزم کو گرفتار کیا ہے۔ بتایا گیا ہے کہ کلیدی ملزم جوئیڈا انٹلی جنس پولس کے کانسٹبل فرار ہے۔
گرفتار شدہ ملزم کی شناخت اُدئیے بتائی گئی ہے۔ جب کہ انٹلی جنس دستہ کے پولس کانسٹبل گروراج فرار ملزم بتایا گیا ہے۔ موصولہ اطلاع کے مطابق پولس کوارٹرس کے 4کمروں میں لکڑی کے ڈنڈے سپلائی کے مقصد سے چھپا کر رکھے گئے تھے۔ کارروائی میں ڈی سی آئی بی پولس، جوئیڈا سی پی آئی رمیش ہوگار اور فاریسٹ محکمہ کا عملہ شریک تھا۔ معاملہ کو لےکر ڈی سی آئی بی اور فاریسٹ محکمہ جوئیڈا میں کیس درج ہواہے۔