جوئیڈا پولیس سب انسپکٹر کو اُترکنڑا ایس پی نے کیا معطل
کاروار12؍فروری (ایس او نیوز) ضلع پولیس سپرنٹنڈنٹ ونائیک پاٹل نے جوئیڈا کے سب انسپکٹر بی ایم کامبلے کو فرائض کی ادائیگی میں غفلت اور دوسری کچھ وجوہات کی بنیاد پر معطل کردیا ہے۔ پتہ چلاہے کہ معطلی کے احکام ضلع ایس پی نے گزشتہ ہفتے ہی جاری کیے تھے۔
سب انسپکٹر کی معطلی کی اصل وجوہات کیا ہیں اس کی تفصیل تو نہیں بتائی گئی ہے ، البتہ ایس پی ونائیک پاٹل نے یہ بات صاف کردی ہے کہ جوئیڈا کے پولیس کوارٹرز میں غیر قانونی لکڑیاں ضبط کیے جانے کے معاملے سے سب انسپکٹر کامبلے کا کوئی تعلق نہیں ہے ۔ اور انہیں کسی دوسرے سبب سے معطل کیا گیا ہے۔