جوئیڈا:13/اکتوبر(ایس اؤ نیوز) لاری کے ذریعے غیر قانونی طورپر سپلائی کی جارہی 102لیٹر گوا شراب کو ایکسائز عملہ نے جوئیڈا کے انموڈ چک پوسٹ میں ضبط کرنے کا واقعہ پیش آیا ہے۔
معاملے کولے کر بنگلورو سے تعلق رکھنے والے ناگیندر اور شانت کمار کو گرفتار کرلیا گیا ہے۔ ضبط کردہ گواشراب کی لاگت 70 ہزار روپئے بتائی گئی ہے۔ دیررات انموڈ چک پوسٹ پر ایکسائزعملہ کی طرف سے حسب معمول چکنگ جاری تھی تو ایک لاری میں گوا شراب کو الکٹرانک کیبل سے ڈھک کر لے جارہی تھی۔ چک پوسٹ پر ایکسائزعملہ لاری کی جانچ کی تو کیبل کے درمیان میں شراب کے ڈبے ہونے کا پتہ چلا۔ ایکسائز دونوں کو گرفتار کرنے کے بعد شراب کو ضبط کرلیا۔ خیال رہے کہ دو دن پہلے اسی چک پوسٹ پر لاری کے ذریعے مہاراشٹراکو سپلائی کی جارہی 12لاکھ روپیوں کی شراب ضبط کرتے ہوئے دو لوگوں کو گرفتارکیا تھا۔