عدم تحمل کے ماحول میں ہندوستانی دورہ کے دوران امریکی وزیرخارجہ جان کیری کی مودی سرکارکونصیحت
نئی دہلی، 31؍اگست(ایس او نیوز/آئی این ایس انڈیا)امریکی وزیر خارجہ جان کیری نے ذات، زبان یا فرقہ سے قطع نظر تمام شہریوں کے حقوق کا تحفظ کرنے کی ضرورت پر آج زور دیا اور کہا کہ لوگوں کو جیل میں ڈالے جانے کے خوف کے بغیر مخالفت کے اظہار کی اجازت ہونی چاہیے ۔کیری کا یہ تبصرہ ایمنسٹی انٹرنیشنل کے خلاف بنگلور میں ملک سے بغاوت کا الزام لگائے جانے کے بعد امریکہ کی طرف سے اظہار کی آزادی کی حمایت میں بولنے کے کچھ دن بعد آیا ہے۔کیری نے یہاں آئی آئی ٹی میں کہاکہ امریکہ اور ہندوستان کو ہمارے جمہوری اقدار پر یقین رکھنا ہو گا اور اس آزادی کو برقرار رکھنا ہو گا جو ہمارے ممالک کی شناخت ہے۔انہوں نے کہا کہ سب کو ہمارے شہریوں کی نسل، زبان یا فرقہ کا خیال کئے بغیر ہمارے سبھی شہریوں کے حقوق کا تحفظ کرنا ہوگا ۔کیری نے یہ بات دہشت گردی کی بنیادی وجہ پر حملہ کرنے کی ضرورت پر خطاب کرتے ہوئے کہی اور یہ بھی کہا کہ یہ الگ الگ ممالک میں الگ الگ ہے۔انہوں نے کہا،تاکہ وہ سزا یا انتقام کے خوف یا جیل ہونے کے خوف کے بغیر پرامن طریقے سے اپنے خیالات کا اظہار کر سکیں ۔انہوں نے حالانکہ نوجوانوں میں مایوسی کے لیے بدعنوانی اور بدانتظامی کو بنیادی وجہ میں سے ایک بتایا۔کیری نے کہاکہ ہمیں مل کر اور ہم آہنگی کے ساتھ کام کرنا ہوگا، جس سے دہشت گردوں کے لیے فرار کی کوئی جگہ نہ ہو، چھپنے کی کوئی جگہ نہ ہو اور اپنے مستقبل کے منصوبے یا تیاری کے لئے کوئی جگہ نہیں ہو۔انہوں نے کہا کہ کسی کو بھی دہشت گردوں کو کامیاب نہیں ہونے دینا چاہیے اور اس کی اصل بنیاد پر ضرب لگانا ضروری ہے۔کیری نے کہا کہ جو سماج اپنے شہریوں کو یکساں موقع نہیں دیتا وہ انہیں ایک ممکنہ انتہا پسند یا دہشت گرد بنا دیتا ہے۔انہوں نے کہاکہ اس لیے اس کا یہ بھی مطلب ہے کہ ہمیں ہر مذہب اور فرقے کے درمیان رواداری، منظوری، ہمدردی اور باہمی افہام و تفہیم کے پل تعمیر کرنا ہوگا۔