گلبرگہ میں جاب میلہ تعلقہ جات کے امیدواران کی شرکت
گلبرگہ29مارچ(ایس او نیوز/آئی این ایس انڈیا)ایک کمپنی سے دوسری کمپنی کے پیچھے بھاگنے کے بجائے ملازمت حاسل کرنے کے خواہشمند امیدواروں کو چاہیئے کہ وہ جاب میلوں سے زیادہ سے زیادہ استفادہ کریں۔ کیوں کہ ان جاب میلوں میں کئیؤ ایک کمپنیاں اچھے امیدواروں کے انتخاب کے لئے ایک جگہ جمع ہوجاتی ہیں۔ اس خیال کا اظہار گورنمینٹ کالج گلبرگہ کی سیکریٹری محترمہ ڈاکٹر اندومتی پاٹل نے گلبرگہ میں جاب میلہ کا افتتاح کرتے ہوئے کہا۔ یہ جاب میلہ گلبرگہ میں گورنیمینٹ کالج گلبرگہ کی جانب سے منعقدکیاگیاتھا۔گورنمینٹ کالج گلبرگہ کے پیر کے دن منعقدہ جاب میلہ میں ہاسپیٹ، جیورگی، چیتاپور، کملاپور، مہاگاؤں کراس، اورسیڑم وغیرہ سے تعلق رکھنے والے امیدواران جمع ہوئے تھے۔ بی اے، بی ایس سی، بی کام، بی بی ایم اوردیگرڈگریاں رکھنے والے امیدواروں کے لئے اس جاب میلہ میں شرکت کرنے کا موقع فراہم کیاگیاتھا۔HCL, INTELNET,G7TECHNOLOGY,,COTEX,,HGS, DIGIKAL اور دیگر کمپنیاں ا س جاب میلہ میں شریک تھیں۔ ان کمپنیوں نے میلہ کے دوران امیدواروں کو ملازمت پر رکھنے کا عمل شروع کردیا۔ پری یویورسٹی کالجوں کے طالب علم بھی اس میلہ میں ملازمتیں حاصل کرنے کے لئے شریک تھے لیکن مختلف کمپنیوں نے انھیں یہ سمجھایا کہ وہ پہلے اپنی ڈگری مکمل کرلیں اور اس کے بعد ملازمت کے لئے کوشش کریں، ورنہ ایک بار ملازمت شروع ہوجانے کے بعد تعلیم کی تکمیل ناممکن ہوجاتی ہے۔ ملازمتوں پر بھرتی رہنے والوں کا کہنا تھا کہ وہ صرف امتحانی نشانات کو ہی نہیں دیکھتے بلکہ امیدوار کی انگریزی میں مہارت اور اس کے اندر اعتماد و یقین کے جذبہ کو بھی دیکھتے ہیں۔ کالج پرنسپل نندگی راج پا نے جلسہ کی صدارت کی۔ شیو لنگ اپا پاتل، وجئے کمار ہیبالکر، بھیم راؤ، مہانتیش و دؤیگر اس جلسہ میں شریک تھے۔