بنگلورو:18/مئی(ایس او نیوز) جنتکل غیر قانونی کانکنی کے معاملے میں عبوری ضمانت ملنے کے بعد آج سابق وزیر اعلیٰ اور ریاستی جنتادل (ایس) صدر ایچ ڈی کمار سوامی اس معاملے کی جانچ کیلئے خصوصی تحقیقاتی ٹیم کے سامنے حاضر ہوئے۔اس گھپلے کے سلسلے میں خصوصی تحقیقاتی ٹیم نے کمار سوامی کو سمن جاری کرتے ہوئے حاضری کی ہدایت دی تھی۔اس کے مطابق کمار سوامی آج دوپہر 3-30 بجے خصوصی تحقیقاتی ٹیم کے روبرو حاضر ہوئے۔ اور جانچ کا سامنا کیا۔ کمار سوامی نے کل یہ الزام لگایا تھاکہ انہیں سیاسی طور پر ختم کرنے کیلئے وزیر اعلیٰ سدرامیا اس معاملے کو طول دینے کی کوشش کررہے ہیں۔ سیاسی طور پر آنے والے دنوں میں اس کا جواب دیا جائے گا۔