احمد آباد ،07؍جون ( ایس او نیوز؍آئی این ایس انڈیا ) دلت لیڈر اور گجرات سے رکن اسمبلی جگنیش میوانی نے الزام لگایا کہ ایک شخص نے انہیں گولی مارنے کی دھمکی دی۔دوپہر کے وقت ایک موبائل فون پر میوانی کے ساتھی کوشک پرمار کے لیے اس کودھمکی ملی۔پرماراس سلسلے میں بناسکانٹھاضلع کے وڈگام میں شکایت درج کرائی ہے۔میوانی وڈگام اسمبلی سیٹ سے ہی رکن اسمبلی ہیں۔پولیس سب انسپکٹر آر پی جالا نے کہاکہ وڈگام میں میوانی کا دفتر پرمار ہی سنبھالتا ہے۔اس شکایت کی بنیاد پر ہم نے کال کرنے والے کے خلاف ایف آئی آر درج کی ہے۔ کال کرنے والے کی شناخت راجویر مشرا کے طور پر ہوئی ہے۔جالا نے کہاکہ مشرا نے مبینہ طور پر پرمار کو فون کیا اور میوانی کو گولی سے مارنے کی دھمکی دی۔تعزیرات ہند کی دفعہ 507کے تحت کیس درج کیا گیا ہے۔بعد میں میوانی نے ٹویٹ کیاکہ میرے ساتھی کارکن کوشک پرمار (جن کے پاس ان دنوں میرا نمبر ہے)نے ابھی مجھے بتایا ہے۔کوئی راجویر مشرا کا فون تھا اور بولا کہ تم اگر جگنیش میوانی ہو تو تمہیں گولی ماردوں گا۔میوانی نے یہ الزام بھی لگایا کہ فیس بک اور ٹویٹر پر ان سے پہلے بھی ایسی دھمکیاں ملنے کے باوجود گجرات پولیس نے کوئی کارروائی نہیں کی۔