غزہ کے قریب بسائے گئے یہودیوں کو قیمت چکانا پڑے گی: البطش

Source: S.O. News Service | By Staff Correspondent | Published on 8th October 2018, 8:27 PM | عالمی خبریں |

غزہ8اکتوبر ( آئی این ایس انڈیا ؍ایس او نیوز) اسلامی جہاد کے سیاسی شعبے کے سینئر رکن خالد البطش نے کہا ہے کہ غزہ کی پٹی کے قریب بسائے گئے یہودیوں کو غزہ کی ناکہ بندی کی قیمت چکانا ہوگی۔قدس پریس سے بات کرتے ہوئے انہوں نے کہا کہ غزہ کے عوام کی مشکلات کا ایک سبب قریب کی یہودی کالونیاں ہیں۔ اگر غزہ کے عوام ان کی وجہ سے محاصرے میں ہیں تو یہودی آباد کاروں کو بھی چین سے نہیں رہنے دیا جائے گا۔انہوں نے مزید کہا کہ غزہ کی ناکہ بندی کی قیمت فلسطینی تنہا نہیں چکائیں گے بلکہ صہیونیوں کو بھی اس کی قیمت چکانا ہوگی۔خالدالبطش کا کہنا تھا کہ صہیونیوں نے غزہ کے عوام کا محاصرہ کیا ہے اور ہم یہودی آبادکاروں کا محاصرہ کریں گے۔ جب تک فلسطینی قوم آزادی، فتح اور اپنے اہداف کے حصول میں کامیاب نہیں ہوجاتی حق واپسی مظاہرے جاری رکھے جائیں گے۔خیال رہے کہ جمعہ کو اسرائیلی فوج نے غزہ کی مشرقی سرحد پر احتجاج کرنے والے فلسطینیوں پر طاقت کا استعمال کیا جس کے نتیجے میں تین فلسطینی شہید اور چار سو کے قریب زخمی ہوگئے تھے۔ 30 مارچ 2018سے غزہ میں جاری حق واپسی تحریک کے دوران اسرائیلی فوج کے تشدد سے اب تک 205 فلسطینی شہید اور 22 ہزار سے زاید زخمی ہوچکے ہیں۔

ایک نظر اس پر بھی

امریکی رپورٹ کا خلاصہ؛ ہندوستان کی حکومت مسلم مخالف ! مسلم اداروں کے خلاف اقدامات؛ بی جے پی قائدین کی اشتعال انگیز تقاریر کا سلسلہ جاری؛ شہروں کے مسلم نام بدلنے کا بھی حوالہ

مذہبی آزادی سے متعلق  امریکہ کے اسٹیٹ  ڈپارٹمنٹ کی تازہ رپورٹ میں ہندوستان میں ہجومی تشدد، تبدیلی مذہب کی صورتحال، اقلیتوں کے قانونی موقف اور سرکاری پالیسیوں کا احاطہ کیا گیا  ہے۔ رپورٹ میں واضح کیا گیا ہے کہ  ہندوستان میں سال 2018 کے دوران ہندو انتہا پسند تنظیموں کی جانب سے ...

امریکہ اور ایران کے درمیان حالات انتہائی دھماکہ خیز ،خطے میں جنگ کا خطرہ،ہندوستان سمیت مختلف ممالک نے کیاہرمز سے پروازوں کا ر استہ تبدیل، سلامتی کونسل کا ہنگامی اجلاس

گزشتہ چنددنوں سے ایران اور امریکہ کے درمیان جاری کشیدگی میں اس وقت مزید شدت آگئی جب ایران نے امریکہ کے ڈرون کو مارگرایا۔

امریکہ کی طرف سے ہندوستان کو دھمکی روس سے ڈیل کی صورت میں دفاعی امداد محدود ہوجائے گی

امریکہ کی وزارت خارجہ کی افسر ایلس جی ویلس نے جمعہ کو کہا کہ ان کا ملک ہندوستان کی دفاعی ضروریات پورا کرنے کے لئے تیار ہے، لیکن روسی ایس-400 نظام اس میں رکاوٹ بن رہا ہے- ہندوستان-روس ڈیل سے امریکہ کا تعاون محدود کردیا جائے گا -