نتیش کمارکے پاس ہی رہے گا ’تیر‘کا انتخابی نشان
نئی دہلی ،23؍نومبر (ایس او نیوز؍آئی این ایس انڈیا)جنتا دل (یونائیٹڈ) کے ’تیرکے انتخابی نشان پر بہار کے وزیر اعلی نتیش کمار کے پاس ہی رہے گا۔دہلی ہائی کورٹ نے اس معاملے میں گجرات کے ممبر اسمبلی چھوٹو بھائی کی درخواست کو مسترد کر دی ہے۔عرضی میں چھوٹو بھائی نے الیکشن کمیشن کے حکم کو مسترد کرنے کی مانگ کی تھی۔الیکشن کمیشن نے 17نومبر کو اپنے حکم میں بہار کے وزیر اعلی نتیش کمار کی قیادت والے گروپ کو حقیقی جے ڈی یو بتایا تھا۔جسٹس اندرمیت کور نے بدھ کو کہا تھا کہ عدالت کے پاس عبوری حکم دینے کے لیے پہلی نظر کچھ نہیں ہے کیونکہ الیکشن کمیشن نے ابھی اپنے فیصلے کی وجوہات کو نہیں بتایا ہے۔عدالت نے الیکشن کمیشن کے وکیل کو یہ ہدایات لینے کے لئے کہا تھا کہ الیکشن کمیشن کی وجہ بتانے والا حکم کب آئے گا۔عدالت گجرات سے رکن اسمبلی چھوٹوبھائی وساوا کی درخواست پر سماعت کر رہی ہے جو جے ڈی یو کے یادو گروپ کے ایگزیکٹو چیئرمین ہیں۔ممبر اسمبلی کے وکیل نے عدالت کو بتایا کہ گجرات انتخابات کے لئے کاغذات نامزدگی دائر کرنے کا پہلا مرحلہ منگل کو ختم ہو گیا ہے اور دوسرا مرحلہ دیگر 10 دنوں میں مکمل کیا جائے گا اور اس سے پہلے یہ طے کیا جائے کہ انتخابات کے دوران کون یہ آئکن کا استعمال کریں گے۔بہرحال نتیش گروپ کے وکلاء نے عدالت کو بتایا کہ الیکشن کمیشن کا فیصلہ ان کے حق میں آنے کے ساتھ ہی اس کے رکن پہلے ہی’تیر‘نشان کے ساتھ نامزدگی دائر کر چکے ہیں۔انہوں نے کہا کہ الیکشن کمیشن کے حکم سے یادو گروہ کے دعوے کو مسترد کرنے کی وجہ ملتی ہے کیونکہ کمیشن نے کہا ہے کہ نتیش گروہ کے پاس اسمبلی میں اکثریت ہے۔