یلاپور:26؍مارچ (ایس او نیوز)مرکزی وزیر اننت کمارہیگڈے ضلع کے لئے کینسر بن گئے ہیں، انہیں ا س مرتبہ شکست دے کر گھر لوٹانا چاہئے۔ جے ڈی ایس لیڈر اور اترکنڑا ضلع لوک سبھا حلقہ کے ممکنہ امیدوار آنند اسنوٹیکر نے ان خیالات کا اظہار کیا۔

شہر میں جے ڈی ایس دفتر کا افتتاح کرنے کے بعد کارکنان سے خطاب کرتے ہوئے کہاکہ ریاست میں سب سے پچھڑے ودھان سبھا حلقے میں سبھی دھرموں میں پچھڑے اور پسماندہ  لوگ ہیں، اس ضلع میں سابق وزیر اعظم ایچ ڈی دیوے گوڈا، سابق وزراء اعلیٰ رام کرشنا ہیگڈے اور ایس بنگارپا کے چاہنے والے زیادہ ہیں۔ اس مرتبہ لوک سبھا انتخابات میں ہمیں کانگریس کی بھی حمایت و تعاون حاصل ہے جس کے نتیجے میں ہماری جیت یقینی ہونے کی بات کہی۔ انہوں نے کہاکہ ضلع نگراں کار وزیر آر وی  دیش پانڈے کی قیادت میں رکن اسمبلی شیورام ہیبار کے صلاح ومشورے سے ہم تمام لوک سبھا انتخابات کا سامنا کریں گے۔

مرکزی وزیر اننت کمارہیگڈے پر کڑی تنقید کرتےہوئے آنند اسنوٹیکر نے کہاکہ مرکزی وزیر ہیگڈے اپنے ہر بھاشن میں کہتے ہیں کہ ترقی کے لئے نہیں بلکہ سیاست کے لئے ایم پی بنا ہوں، تو پھر انہیں کیوں جیت دلانے کا  سوال کرتے ہوئے پوچھا کہ بھگوان کو نہیں ماننے والے ہیگڈے آخرکیسے ہندو دھرم کی حفاظت کریں گے۔ ہمارے ضلع کا سنگین مسئلہ اتی کرم کے متعلق غور وفکر کرنےکے بجائے دھرم، سنسکرتی کے متعلق لمبے لمبے بھاشن دیتے ہوئے اپنے 25برس  کی پارلیمانی مدت پوری کرنے کے سوا کوئی ترقی کے کام نہیں کرنے کا الزام لگایا۔

آنند اسنوٹیکر نے کہا کہ اننت کمار ایک لوفر ہے ، کسی بھی حالت میں انہیں عزت بخشنا ممکن ہی نہیں ہے ، انتخابات میں ان کے لئے  زبان ہی ایک ہتھیار ہونے کی بات کہی۔ اسی موقع پر انہوں نے وعدہ کیا کہ اگر وہ لوک سبھا انتخابات میں جیت حاصل کرتے ہیں تو منڈگوڈ تعلقہ میں شکر  کارخانہ کا قیام کریں گے اور اس کے ذریعے ضلع کے لوگوں کو روزگار فراہم کریں گے۔ ہمارے ضلع میں ہزاروں نوجوان لڑکے لڑکیاں بے روزگاری سے پریشان حال ہونے کی بات کہی۔ جے ڈی ایس ضلع صدر بی آر نائک، تعلقہ صدر روی چندر نائک، جے ڈی ایس رعیت مورچہ صدر  پی جی بھٹ، قیصر سید ، ارون کمار ، گجانن نائک ، عبدالمناف وغیرہ موجود تھے۔