ضلع شمالی کینرا میں جے ڈی ایس کا وجود نہیں ہے۔ آئندہ لوک سبھا میں کانگریس کا ہی امیدوار ہوگا۔ دیشپانڈے کا بیان

Source: S.O. News Service | By Staff Correspondent | Published on 22nd October 2018, 6:17 PM | ملکی خبریں | ان خبروں کو پڑھنا مت بھولئے |

سرسی 22؍اکتوبر(ایس او نیوز) ریوینیو اور ضلع انچارج وزیر آر وی دیشپانڈے نے کہا ہے کہ ضلع شمالی کینرا میں جنتا دل ایس کا کوئی وجود نہیں ہے، بلکہ کانگریس پارٹی ضلع میں پوری طرح مستحکم ہے۔ اس لئے آئندہ لوک سبھا انتخاب میں یہاں سے کانگریس کا امیدوار ہی میدان میں اتارا جائے گا۔

خیال رہے کہ آئندہ پارلیمانی انتخابات میں کانگریس اور جے ڈ ی ایس مشترکہ طور پر بی جے پی کا مقابلہ کرنے کے امکانات پر بات چیت آگے بڑھ رہی ہے۔ اس پس منظر میں ظاہر ہے کہ سیٹوں کا بٹوارہ پارٹی پوزیشن دیکھ کر ہی کیا جائے گا۔ ایسے میں سیاسی جانکاروں کا کہنا ہے کہ جے ڈی ایس لیڈر اور سابق وزیر آنند اسنوٹیکر جو ضلع شمالی کینرا سے جے ڈی ایس امیدوار بننے کا  جو خواب دیکھ رہے ہیں ، ان کے لئے دیشپانڈے نے اپنے بیان سے ایک تازہ جھٹکا دیا ہے۔

آر وی دیشپانڈے نے سرسی میں ایک نجی پروگرام میں شرکت کے موقع پراخباری نمائندوں کے ساتھ گفتگو کے دوران ان خیالات کا اظہار کیا تھا۔ انہوں نے کہا کہ جے ڈی ایس کے امیدوار کے بطور اگر آنند اسنوٹیکر میدان میں مقابلے کے لئے اترنا چاہتے ہیں تو اس میں کوئی غلط بات نہیں ہے ، مگر اس سے قبل ریاست کی سیاسی پوزیشن سمجھ لینا ضروری ہے۔ضلع میں چونکہ کانگریس طاقتور اور مستحکم ہے اس لئے یہاں سے کانگریسی امیدوار انتخاب لڑے گا تو جے ڈی ایس کو اس کی حمایت کرنی ہوگی۔ضلع شمالی کینرا میں کانگریس جیسا استحکام جے ڈی ایس کو حاصل نہیں ہے۔اس لئے یہاں سے کانگریس امیدوار کو ہی انتخاب میں اتارا جانا چاہیے۔اس طرح کی بہت ساری باتیں ہیں جسے آننداسنوٹیکر کو سمجھ لینا چاہیے۔

ایک نظر اس پر بھی

اعظم خان کے سامنے بی جے پی کا کوئی بھی ہتھکنڈہ کارگر نہیں ہوگا: مایاوتی

اترپردیش کے رامپور پارلیمانی سیٹ سے سماجوادی کے قدآور لیڈر و پارٹی امیدوار اعظم خان کی حمایت میں ووٹروں سے ووٹ کرنے کی اپیل کرتی ہوئیں بی ایس پی سپریمو مایاوتی نے کہا کہ مرکز میں برسراقتدار پارٹی لاکھ ہتھکنڈے اپنائے لیکن رامپور سے اتحاد کے امیدوار اعظم خان کی جیت یقینی ہے۔

مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

فلم کے بعد پی ایم مودی پربنی ویب سیریز کے نشریات پربھی الیکشن کمیشن نے لگائی روک

وزیر اعظم نریندر مودی کے ساتھ منسلک ایک ویب سیریز کو الیکشن کمیشن کی جانب سے جھٹکا لگا ہے۔دراصل الیکشن کمیشن نے اس ویب سیریز کو ریلیز کر رہے پلیٹ فارمس ارس ناؤ کو نوٹس جاری کر اسے فوری اثر سے ہٹانے کا حکم دیا ہے۔

لوک سبھا انتخابات: اُترکنڑا ڈپٹی کمشنر نے کمٹہ اوربھٹکل میں پارلیمانی انتخابات کی تیاریوں کا لیا جائزہ

ڈپٹی کمشنر ڈاکٹر ہریش کمار نے ضلع شمالی کینرا کے حلقے میں واقع کمٹہ اور بھٹکل شہروں میں پارلیمانی الیکشن کے لئے انتظامیہ کی طرف سے کی گئی حتمی تیاریوں کا معائنہ کیا۔

دو مراحل میں ایس پی۔بی ایس پی اور کانگریس ’ صفر‘: یوگی

اتر پردیش کے وزیر یوگی آدتیہ ناتھ نے جمعہ کو کہا کہ لوک سبھا انتخابات کے لئے ووٹنگ کے اختتام پذیر ہو چکے دو مراحل میں ایس پی، بی ایس پی اور کانگریس ’ صفر‘ رہی ہیں۔ یوگی نے سنبھل میں ایک جلسہ عام میں کہا کہ ووٹنگ کے دو مرحلے ہو چکے ہیں۔ بی جے پی کو سب سے زیادہ ووٹ ملے ہیں۔ انہوں نے ...

لوک سبھا انتخابات: کیا اُترکنڑا میں انکم ٹیکس کے مزید چھاپے پڑنے والے ہیں؟

پارلیمانی الیکشن کے پس منظر میں محکمہ انکم ٹیکس اور انتخابی نگراں اسکواڈ کی طرف سے مختلف ٹھکانوں پر جو چھاپے مارے جارہے ہیں، اس تعلق سے خبر ملی ہے کہ ضلع شمالی کینرا میں مزیدکئی سیاسی لیڈروں اورتاجروں کے ٹھکانوں پر چھاپے پڑنے والے ہیں۔