خاتون جے ڈی ایس کارپوریٹر سے رکن اسمبلی منی رتنا کی بدتمیزی ، بی بی ایم پی میں کانگریس سے حمایت واپس لینے جے ڈی ایس کی دھمکی

Source: S.O. News Service | By Jafar Sadique Nooruddin | Published on 21st May 2017, 3:42 AM | ریاستی خبریں |

بنگلورو:20/مئی(ایس او نیوز) برہت بنگلور مہانگرپالیکے کے ڈپٹی میئر آنند نے راجہ راجیشوری نگر کے رکن اسمبلی منی رتنا کی طرف سے جنتادل (ایس) خاتون کارپوریٹر منجولا کے ساتھ غلط سلوک پر سخت اعتراض کرتے ہوئے وزیر اعلیٰ سدرامیا سے گذارش کی ہے کہ وہ فوراً اس معاملے میں مداخلت کریں۔ بصورت دیگر برہت بنگلور مہانگر پالیکے میں جنتادل (ایس) کانگریس سے اپنی تائید واپس لے لے گی۔ اخباری نمائندوں سے بات چیت کرتے ہوئے اڈپٹی میئر نے کہاکہ منی رتنا کو اپنی اس حرکت کیلئے کارپوریٹر سے غیر مشروط معافی مانگنی ہوگی، اگر ایسا نہیں ہوا تو جے ڈی ایس کو کانگریس کی حمایت پر از سر نو غور کرنا پڑ سکتا ہے۔اس موقع پر رکن کونسل ٹی اے شرونا، بنگلور ضلع جنتادل (ایس) صدر آر پرکاش،بی بی ایم پی جنتادل (ایس)  کی لیڈر رمیلا اوما شنکر، بی بی ایم پی ورک کمیٹی چیرمین بھدرے گوڈا وغیرہ موجود تھے۔انہوں نے کہاکہ ایک خاتون کارپوریٹر کے ساتھ رکن اسمبلی کے حامیوں نے جو حرکت کی ہے وہ قابل مذمت ہے۔ انہوں نے کہاکہ وزیراعلیٰ سدرامیا سے اس سلسلے میں جب شکایت کی گئی تو انہوں نے بھی توجہ نہیں دی، جس کی وجہ سے یہ خاتون کارپوریٹر منجولا صدمے کا شکار ہوچکی ہیں اور اسپتال میں داخل ہیں۔منی رتنا کو چاہئے کہ فوراً منجولا کی عیادت کریں اور غیر مشروط معافی مانگیں۔ بی بی ایم پی میں اقتدار سے بی جے پی کو دور رکھنے کے واحد مقصد سے جنتادل (ایس) نے کانگریس کا ساتھ دیا ہے۔ لیکن بدقسمتی سے جنتادل (ایس) کارپوریٹروں کے وارڈوں کو مناسب گرانٹس نہیں دئے جارہے ہیں۔ترقیاتی کام نہیں ہورہے ہیں۔ انہوں نے کہاکہ منی رتنا جیسوں کی غنڈہ گردی اب برداشت نہیں کی جائے گی۔فوری طور پر وزیر اعلیٰ سدرامیا اس پر توجہ دیں۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔