بھوپال 14فروری ( ایس او نیوز؍آئی این ایس انڈیا )مرکزی وزیر اوما بھارتی نے دعویٰ کیا کہ آزادی کے کچھ ہی وقت بعد جب پاکستان نے جموں و کشمیر پر حملہ کیا تھا تب اس وقت کے وزیر اعظم جواہر لال نہرو نے آر ایس ایس سے مدد مانگی تھی۔ نہرو پر دیے گئے مودی کے بیان پر نتیش کمار نے کہا سب کے اپنے اپنے خیالات ہیں۔انہوں نے فوج کو لے کر آر ایس ایس سربراہ کی طرف سے کی گئی متنازعہ تبصرہ کے درمیان یہ دعویٰ کیاہے، اوما بھارتی نے صحافیوں سے بات چیت کرتے ہوئے بھاگوت کے تبصرہ پر سیدھا سیدھا کچھ کہنے سے انکار کر دیا۔ اگرچہ انہوں نے کہا کہ آزادی کے بعد کشمیر کے بادشاہ مہاراجہ ہری سنگھ معاہدے پر دستخط نہیں کر رہے تھے اور شیخ عبداللہ نے دستخط کرنے کے لئے ان پر دباؤ ڈالا، انہوں نے کہا کہ نہرومشکل میں تھے اور پھر پاکستان نے اچانک حملہ کر دیا اور اس کے فوجی اودھم پور کی طرف بڑھنے لگے۔ مرکزی وزیر نے کہا کہ اس وقت کے آر ایس ایس چیف ایم ایس گوولکر سے رضاکاروں کی مدد مانگی تھی اور وہ رضاکارانہ مدد کے لئے جموں و کشمیر گئے تھے ۔