یوپی:”سنکلپ“ریلی کرکے جاٹوں نے کھولابی جے پی کے خلاف مورچہ،سواسوسیٹوں پرجاٹ موثر

Source: S.O. News Service | Published on 10th January 2017, 11:40 PM | ملکی خبریں |

لکھنؤ،10/جنوری (ایس او نیوز/آئی این ایس انڈیا)یوپی میں سیاست ہر پل کروٹ بدل رہی ہے۔اتر پردیش میں سب سے پہلے 11فروری کو مغربی یوپی میں ووٹ ڈالے جانے ہیں۔مغربی یوپی میں تقریباََ 50ایسی اسمبلی سیٹیں ہیں جہاں جاٹ جیت اور ہار کے لحاظ سے بے حد معنیٰ رکھتے ہیں۔لیکن مغربی یوپی کے جاٹوں نے بغاوتی رخ اختیار کر لیاہے۔سب کے بعد کس کے خلاف ہے یہ بغاوت اور کیا ہے اس بغاوت کی وجہ سے، آئیے آپ کو بتاتے ہیں۔مظفرنگر کے کھرڑ گاؤں میں سنکلپ ریلی کرکے جاٹ برادری کے لوگوں نے بی جے پی کے خلاف مورچہ کھولنے کا فیصلہ کیا ہے۔بی جے پی کی مخالفت کا براہ راست کنکشن گزشتہ سال کے ہریانہ سانحہ سے ہے۔تب جاٹ برادری کے لوگ ریزرویشن کی مانگ کو لے کر تحریک چلا رہے تھے۔جوبعدمیں پرتشددہوگیاتھا۔اس معاملے میں پولیس نے کمیونٹی کے لوگوں کے خلاف کیس درج کیا تھا جو یوپی میں احتجاج کی بڑی وجہ ہے۔اعداد و شمار گواہ ہیں کہ یوپی کے اسمبلی انتخابات میں جاٹ ووٹ کتنا معنی رکھتا ہے۔یوپی میں تقریباََ 125نشستیں ایسی ہیں جہاں جاٹ ووٹرزموجودہیں۔اس کے علاوہ تقریباََ 50اسمبلی نشستیں ایسی ہیں جہاں پر جاٹ ووٹ 20فیصد یا اس سے زیادہ ہیں۔فی الحال جاٹ برادری کی یہ مخالفت کتنا اثردکھاتی ہے دیکھنے والی بات ہوگی۔
 

ایک نظر اس پر بھی

گؤ کشی کے نام پر ایک اور مسلمان کا قتل: خوفناک ویڈیووائرل،65سالہ معمر شخص کو بے رحمی سے پیٹتے ہوئے نظر آرہے ہیں گؤ اتنگی، 5دن میں صرف 2/افراد گرفتار 

ہاپوڑ میں مبینہ گؤ کشی کے الزام میں قاسم نامی شخص کا پیٹ پیٹ کر قتل کردیاگیا تھا جبکہ ایک دوسرا شخص سمیع الدین اس واقعہ میں زخمی ہوگیاتھا۔ اب اس واقعہ سے ملتا ہوا ایک اور ویڈیو وائرل ہورہاہے۔ اس ویڈیو میں بھیڑ کا خوفناک چہرہ دیکھا جاسکتا ہے۔ وائرل ہورہے اس ویڈیو میں 65سالہ معمر ...

پہلی بار دورۂ جموں پر امیت شاہ کے بڑے بڑے بول ، علیحدگی کا ٹھیکرا کانگریس کے سر پھوڑا،حلیف حکومت کے باوجودمفتی سرکار کو ناکام کہا 

آج جن سنگھ کے بانی ڈاکٹر شیاما پرساد مکھرجی کی برسی پر بی جے پی نے جموں میں بڑی ریلی کی جسے امت شاہ نے خطاب کیا۔ امت شاہ نے کہا کہ کانگریس بتائے کہ ان کی پارٹی اور لشکر میں کیا تعلق ہے کیونکہ کانگریس لیڈر غلام نبی آزاد کا بیان آتے ہی لشکر نے اس کی حمایت کی تھی ۔

سری نگر میں انٹرنیٹ خدمات بحال، اننت ناگ، پلوامہ میں پابندی برقرار 

سری نگر میں آج موبائل انٹرنیٹ سروس بحال کر دی گئی۔ اگرچہ اننت ناگ اور پلوامہ اضلاع میں اس پر لگی پابندی ابھی جاری رہے گی اس سے پہلے کل قانون اور نظام برقرار رکھنے کے لئے احتیاط کے طور پر ان کی خدمات کو معطل کر دی گئی تھی۔