کاروار11؍جنوری (ایس او نیوز)ایڈیشنل ڈی سی مسٹر ایچ پرسنّا نے ضلع کے تمام تحصیلداروں کے ساتھ ڈی سی دفتر میں منعقدہ میٹنگ کے دوران بتایا کہ 25جنوری کوضلع کے تمام مقامات پرووٹرس ڈے منایا جائے گاجس میں ’ملینیم ووٹر‘کو مدعو کیا جاناچاہیے۔

ایڈیشنل ڈی سی نے تحصیلداروں کو بتایا کہ ہر سال کی طرح نیشنل ووٹرس ڈے منایاجانا چاہیے۔ امسال چونکہ الیکشن منعقد ہونے والے ہیں اس لیے یکم جنوری 2000کو جنم لینے والے اور نئے ووٹر کے طور پر اپنا نام اندراج کروانے والے نوجوان کو تعلقہ ہیڈکوارٹر میں منعقد ہونے والی تقریب میں’ملینیم ووٹر‘کے طور پر مدعو کیا جائے۔اس کے علاوہ تما م مقامی ادراروں ، تنظیموں اور طلباء کو اس پروگرام میں مدعو کیا جائے۔پولنگ بوتھ میں ضروری سہولتوں کے انتظام کی جانچ ہو اور اگر کچھ کمی ہے تو اس کی تلافی کرلی جائے۔ساتھ ہی ساتھ تمام کالجوں اور اسکولوں میں ’کیمپس ایمبیسڈر ‘ کا تعین کیا جائے۔متعلقہ تعلیمی اداروں کے اساتذہ کی نگرانی میں ووٹرس کی تربیت اور بیداری کے پروگرام منعقد کیے جائیں۔