جموں سری نگر قومی شاہراہ پر آمدورفت کے لیے بحال
بانہال،21اکتوبر(ایس او نیوز؍آئی این ایس انڈیا)جموں سرینگر قومی شاہراہ پر زمین کھسکنے کے بعد سڑک پر آئے ملبے کو حکام کی طرف سے ہٹائے جانے کے بعد اتوار کو اس شاہراہ پر ایک طرف سے ٹریفک بحال ہو گیا۔حکام نے بتایا کہ رام بن ضلع میں رامسو کے نزدیک سنیچر کو شدید زمین کھسکنے سے ہائی وے متاثرہو گیا تھا اور ٹریفک شروع کرنے کے لئے 270 کلومیٹر ہائی وے کو صاف کرنے میں کم از کم پانچ گھنٹے کا وقت لگا۔حکام نے بتایا کہ اتوار کی صبح جموں سے سرینگر جانے والے گاڑیوں کو اجازت دے دی گئی جو وہاں پھنسے ہوئے تھے۔حکام نے بتایا کہ شاہراہ پر آمدورفت شروع ہوگئی ہے۔حکام نے بار بار ٹریفک جام سے نجات حاصل کرنے کے لئے سرینگر سے جموں کی طرف جانے والے یکطرفہ ہائی وے کو ایک ماہ پہلے متبادل کے طور پر بند کر دیا تھا۔