کشمیر کے پلوامہ میں تصادم، دو دہشت گرد ہلاک
سرینگر،14؍اکتوبر(ایس او نیوزآئی این ایس انڈیا) جموں وکشمیرکے پلوامہ ضلع میں سیکورٹی فورسز کے ساتھ ہوئے ایک تصادم میں آج لشکر طیبہ کے سب کمانڈر وسیم شاہ سمیت دو دہشت گرد کو مار گرایا گیا ۔ ایک پولیس افسر نے بتایا کہ سیکورٹی فورسز نے پلوامہ کے لتتر علاقے میں دہشت گردوں کی موجودگی کی اطلاع مخبروں کے ذریعہ ملنے کے بعد آج صبح ایک آپریشن چلایا گیا ۔ انہوں نے بتایا کہ دہشت گردوں نے سیکورٹی فورسز پر فائرنگ بھی کئی گئی جس پر سیکورٹی فورسز نے بھی جوابی کارروائی کی۔ اہلکار کے مطابقہ ہلاک ہونے والے دوسرے دہشت گرد کی شناخت نثار احمد میر کے طور پر ہوئی ہے۔ واضح ہو کہ فوجی تصادم میں آئے دن دہشت گردوں کے مارے جانے کی اطلاع ملتی ہے ؛ لیکن تعجب دہشت گر دوں کی سخت جانی پر ہے کہ وہ پھر بھی اپنی حرکت سے باز نہیں آتے ۔