جموں وکشمیر : پاکستانی گولی باری میں ایک جوان شہید، چار زخمی
جموں، 18 مارچ ( ایس او نیوز؍آئی این ایس انڈیا ) پاکستانی فوج نے جموں کشمیر کے راجوری ضلع میں کنٹرول لائن پر پیر کو مسلسل دوسرے دن امن معاہدے کی خلاف ورزی کرتے ہوئے شدید گولاباری کی جس میں فوج کا ایک جوان شہید ہو گیا اور چار دیگر زخمی ہو گئے۔
دفاعی ترجمان نے بتایا کہ پیر کی صبح تقریباً ساڑھے پانچ بجے پاکستانی فوج نے راجوری ضلع کے سندربنی سیکٹر میں کنٹرول لائن پر مورٹار سے گولے داغے اور چھوٹے ہتھیاروں سے فائرنگ کی۔انہوں نے بتایا کہ بھارتی فوج نے اس کا سخت جواب دیا۔ترجمان نے بتایاکہ واقعہ میں رائفل میں کرم جیت سنگھ شدید زخمی ہو گئے اور بعد میں انہوں نے دم توڑ دیا۔چار دیگر فوجی زخمی ہو گئے اور ان میں سے دو کی حالت نازک بنی ہوئی ہے۔24 سالہ رائفلمین پنجاب کے موگا ضلع میں دھرم کوٹ تحصیل کے تحت جنیر گاؤں کے رہنے والے تھے۔فوجی کے خاندان میں ان والدین ہیں۔دفاعی ترجمان نے سنگھ کو خراج تحسین پیش کرتے ہوئے انہیں نڈر اور بہادر سپاہی بتایا۔انہوں نے کہاکہ سب سے زیادہ قربانی اور فرض کی ذمہ داری کے لئے ملک ہمیشہ ان کا شکر گزار رہے گا۔حکام کے مطابق سندربنی سیکٹر میں کیری بٹٹل سرحدی علاقے میں گولہ باری ہوئی۔پاکستان فوج نے اتوار کو بھی بغیر کسی اکساوے کے امن معاہدے کی خلاف ورزی کی تھی۔