سرینگر،22جنوری(ایس او نیوز؍آئی این ایس انڈیا)جموں و کشمیر کے شوپیاں ضلع میں منگل کوسیکورٹی فورسز اور عسکریت پسندوں کے درمیان ہوئے تصادم میں انڈین پولیس سروس(آئی پی ایس)افسر کا بھائی سمیت تین شدت پسندمارے گئے،ایک فوجی بھی زخمی ہوا۔

پولیس ذرائع نے بتایا کہ شیرمل گاؤں میں سیکورٹی فورسز کے ہاتھوں ہلاک ہونے والے دہشت گردوں میں درگ گڈگاؤں کاشمس الرحمن مینگنوبھی شامل ہے۔شمس الرحمن مینگنو 2012بیچ کے آئی پی ایس آفیسر انعام الحق مینگنوکا چھوٹا بھائی ہے،حق ابھی شمال مشرقی ہندمیں تعینات ہے،تحریک میں شمولیت سے قبل شمس الرحمن سرینگر کے ایک کالج سے یونانی طب میں گریجویشن کررہاتھا۔ ذرائع کے مطابق ہلاک ہونے والے دہشت گردوں سے تین ہتھیار اور گولہ بارود برآمد ہوا ہے،زخمی جوان کو ہسپتال میں داخل کردیا گیا ہے۔واقعہ کوکورکررہے 4میڈیااہلکار سیکورٹی افواج کی طرف سے ماری گئی گولی سے زخمی ہوئے ہیں۔جائے واقعہ کے قریب گزشتہ چار گھنٹوں میں شہریوں اور سیکورٹی اہلکاروں کے درمیان جھڑپ ہوئی ہے۔مظاہرین نے سیکورٹی فورسز کی کوششوں کو روکنے کی کوشش کی، جس کے نتیجے میں سیکورٹی فورسز نے بھیڑ کو منتشرنے کے لئے آنسو گیس گولیاں اور گولی بندوقوں کا استعمال کیا۔اس سے پہلے اس رپورٹ میں کہا گیا تھا کہ اس علاقے میں 6سے سات دہشت گرد تھے، جن میں حزب المجاہدین کے اعلی کمانڈر شامل تھے۔قومی رائفلز (آر آر)اور ریاستی پولیس کے خصوصی آپریشنز فورس (ایس اوجی)نے دہشت گردوں کے خلاف ایک مہم شروع کی۔