جمعیۃ علماء ہند کی جدید ابتدائی ممبر سازی مہم شباب پر ،ہر گھر ،ہر فرد تک پہونچے جمعیۃ علماء کا پیغام :مولانا حلیم اللہ قاسمی

Source: S.O. News Service | By S O News | Published on 15th October 2018, 11:27 PM | ملکی خبریں |

ممبئی،15؍اکتوبر(ایس او نیوز؍پریس ریلیز)ملک کے موجودہ حالات کے تناظر میں ضروری ہے کہ جمعیۃ علماء ہند کے زیادہ سے زیادہ ممبر بنائے جائیں اور ملک کے موجودہ مسائل کا مردانہ وار مقابلہ کریں۔ممبر سازی کی اس تحریک کے ذریعہ سے ایسی ہلچل پیدا کی جائے کہ ریاست کے شہر اور دیہات کے ہر باشندے تک جمعیۃ علماء کا پیغام پہونچ جائے۔ان خیالات کا اظہارمولانا حلیم اللہ قاسمی جنرل سکریٹری جمعیۃ علماء مہاراشٹر(ارشد مدنی) نے ریاستی دفتر سے جاری اپنے اخباری بیان میں کیا۔

مولانا حلیم اللہ قاسمی نے فرمایا کہ جمعیۃ علماء ہند کا نظام الہامی ہے، جس کو اس کے اکابر علماء نے وضع کیا ہے۔ اور اسی کی روشنی میں روز اول سے آج تک یہ قافلہ رواں دواں ہے۔اس جماعت کا قیام اس وقت عمل میں آیا جب ہمارا ملک غلام بن گیا تھا اور یہاں کے باشندے خواہ کسی بھی مذہب سے ہوں ان کو سفید فاموں نے غلام بنا لیا تھا،تو ان کو غلامی سے نکالنے کے لئے یہ جماعت کھڑی ہوئی اور خلق خدا کو ظلم و بربریت سے نجات دلا کر ان کو کھلے فضا میں سانس لینے کا موقع فراہم کیا ،جو آج بھی اس طرح کے انسانی ناروا سلوک ،عدم روا داری اور فرقہ پرستی کا مردانہ وار مقابلہ کر رہی ہے۔

مولانا نے کہا کہ جماعتوں اور تنظیموں کی زندگی اور طاقت در اصل اس کے افراد ہوتے ہیں ،جو جماعتیں اخلاص و للہیت پر وجود میں آتی ہیں اللہ تعالیٰ اس کے ذریعہ سے ملک و ملت کو فائدہ پہونچاتا ہے،اکابر جمعیۃ علماء کی سب سے بڑی پہچان یہی ہے کہ ان میں بے پناہ اخلاص،للہیت اور بے نفسی رہی ہے۔شاید یہی وجہ ہے کہ اللہ نے اس جماعت کو آج تک تمام شرور و فتن سے محفوظ رکھا ہے۔جب تک جماعت اکابر کے خط پر چلتی رہے گی اسی طرح محفوظ رہے گی۔

مولانا نے مزید کہا کہ جماعت کے دستور کی روشنی میں نظام کے استحکام اور پائیداری کے لئے ہر دو سال پر ممبر سازی ہوتی ہے،اور اس کے بعد تمام یونٹوں کا انتخاب عمل میں آتا ہے۔ممبر سازی کے عمل سے جمعیۃ علماء کا پیغام اور اس کی کار کردگی ہرگھر ہر فرد تک پہونچانے کا بہترین موقع ہوتاہے،جس میں جمعیۃ کا پیغام اوراس کی کار کردگی کوگھر گھر پہونچایا جاتا ہے۔ دستور کی رو سے اس کا ممبر ہر بالغ مرد و عورت بن سکتے ہیں ،جو اس کے اغراض و مقاصد سے متفق ہوں۔

مولانا نے ریاست کی تمام ذیلی یونٹوں کے ذمہ داروں سے اپیل کی ہے کہ وہ زیادہ سے زیادہ لوگوں کو وقت مقررہ کے اندر ہی اندر جماعت کا ممبر بنائیں۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...