کمٹہ کے الاتحاد یوتھ کمیٹی کے زیراہتمام ’’سیرت النبیﷺ اور اصلاحِ معاشرہ ‘‘ کا عظیم الشان اجلاس

Source: S.O. News Service | By Abu Aisha | Published on 5th December 2017, 6:28 PM | ساحلی خبریں |

کمٹہ:5/ دسمبر(ایس اؤنیوز)شہر کی مشہور ومعروف مسلم نوجوانوں کی تنظیم ’’الاتحاد یوتھ کمیٹی کمٹہ ‘‘کے زیر اہتمام ’’سیرت النبی ﷺ اور اصلاحِ معاشرہ ‘‘کے عنوان پر مسلم اسٹریٹ کے یوسف خان میدان میں عظیم الشان جلسہ کا انعقاد کیاگیا۔

جلسہ کو معنی خیز بناتے ہوئے تین نشستو ں میں تقسیم کیا گیا تھا۔عصر اور مغرب کی نماز کے بعدمنعقدہ پہلی اور دوسری نشست میں بچوں کے درمیان نعت خوانی کے مقابلہ کا اہتمام کیا گیا تھاتونماز عشاء کے بعداجلاس کی تیسری اوراختتامی نشست میں بنگلورو سے تشریف فرما علماء کرام کے خطاب پر مشتمل تھی۔

حضرت مولانا حکیم ضیاء الدین مدنی نے بحیثیت مہمان خصوصی اپنے پر مغز اور جذبات سے لبریز خطاب کرتےہوئے آخری نبی ﷺ کی سیرت صالحہ پر روشنی ڈالی اور سیرت االنبی ﷺ کی مناسبت سے مسلمانوں کے متحدہ اقدام پر اللہ تعالیٰ کا شکریہ اداکیا۔

مولانا عبدالعلیم قاسمی نے اپنے خصوصی خطاب میں سیرت النبی ﷺکے پیغام کو پھیلانے اور انفرادی طورپر مسلم ملت کی ذمہ داریوں پر زور دیا اور مسلمانوں سے اپیل کی کہ وہ سیرت النبی ﷺ پر عمل پیرا ہوں۔ اس موقع پر جماعت المسلمین کمٹہ کے صدر محمد شفیع شیخ، آئیڈیل ایجوکیشن ٹرسٹ کے سابق صدر بستی عبدالملک اورنارتھ کینرا مسلم یونائیٹیڈ فورم کے جنرل سکریٹری محمد محسن قاضی نے اپنے خیالات کااظہار کرتے ہوئے الاتحاد کمیٹی کی کاوشو ں کی ستائش کی۔

جماعت المسلمین کمٹہ کے صدر محمد شفیع شیخ نے جلسہ کی صدارت کی ۔ الاتحاد کمیٹی کے جنرل سکریٹری مولانا عبدالسبحان کی تلاوت قرآن سے جلسہ کا آغاز ہوا۔ ریاض خان نے سالانہ رپورٹ کی خواندگی کی۔ مولانا منت اللہ قاسمی نے نظامت کے فرائض انجام دئیے ۔ساحل آن لائن کے نمائندے سجاد قاضی نے مہمانوں اور مندوبین کا استقبال کیا تو امجد شیخ نے شکریہ اداکیا۔ اس موقع پر کمٹہ مسلم اسوسی ایشن کے صدر محمد اکبرملا، نائب صدر عبدالشکور، جماعت المسلمین کے جنرل سکریٹری عبدالرزاق، الاتحاد کمیٹی کے صدر افتخار شیخ، ناخدا ایجوکیشن سوسائٹی کے صدر اے بی ملا وغیرہ ڈائس پر موجود تھے۔

ایک نظر اس پر بھی

بھٹکل میونسپل پارک کی تجدیدکاری میں بدعنوانی کا الزام۔ ڈپٹی کمشنر کے نام میمورنڈم

بھٹکل بلدیہ کے حدود میں بندر روڈ پر واقع سردار ولبھ بھائی پٹیل پارک کی تجدید کاری میں بدعنوانی کا الزام لگاتے ہوئے  آسارکیری کے عوام  نے بلدیہ انجینئر کو پارک میں طلب کرکے ڈپٹی کمشنر کے نام میمورنڈم دیا جس میں مطالبہ کیا گیا ہے کہ یہاں ہورہی بدعنوانی کی تحقیقات کروائی جائے۔

کاروار کے ہوم گارڈس دفتر اورکیگا شہری تحفظ مرکز میں یوم ِآزادی کی خصوصی تقریب

شہر میں ہوم گارڈس دفتر میں 72واں یوم ِ آزادی کا جشن پرچم کشائی کے ساتھ منایاگیا ۔ ضلعی آفیسر دیپک گوکرن  نے جھنڈا لہرانے کے بعد خطاب کرتے ہوئے کہاکہ ہمیں یہ آزادی کئی ایک مہان ہستیوں کی قربانی کے بعد ملی ہے۔ یہ ملک تکثریت میں وحدت پیش کرنے والا ایک انوکھا ملک ہے۔انہوں نے کہاکہ ...

کاروار : ضلع پنچایت اورمیڈیکل کالج میں یوم ِ آزادی کا جشن :ایمانداری سے اپنے فرائض کو انجام دینا  سچی دیش بھگتی  

اترکنڑا ضلع کے مرکزی مقام کاروار میں اترکنڑا ضلع پنچایت اور میڈیکل سائنس سنٹر میں  جوش و خروش کے ساتھ یوم آزادی کا جشن منایا ۔ جس کی مختصر تفصیل ذیل میں دی جارہی ہے۔ ...

بھٹکل میں یوم آزادی کا جشن پورے جوش وخروش کے ساتھ منایا گیا؛ تعلقہ انتظامیہ کی جانب سے اسسٹنٹ کمشنر نے لہرایا جھنڈا

ہر سال کی طرح امسال بھی بھٹکل میں پورے جوش و خروش کے ساتھ  یوم آزادی کی تقریب منائی گئی اور تعلقہ انتظامیہ سمیت مختلف سرکاری اور غیر سرکاری اداروں سمیت تعلیمی اداروں میں بھی  ترنگا جھنڈا لہرایا گیا۔