ڈی ڈی پی آئی کے طرف سے جین اسکول کو نوٹس جاری
چنتامنی:25 /ستمبر(محمد اسلم/ایس او نیوز)پچھلے چار دن قبل تعلقہ کولگنہلی کے قریب واقع جین پبلک اسکول کے لائسنس کو رد کرنے اور اُسی اسکول کی تیسری جماعت میں تعلیم یافتہ لڑکی کے ساتھ اسکول کا سیکورٹی گارڈ امر بہادر کے عصمت دری کے معاملے کو مبینہ طور پرچھپانے کی کوشش کررہے اسکول انتظامیہ کے خلاف قانونی کارروائی کرنے کا مطالبہ کرکے احتجاجی مظاہرہ کیا گیا تھا۔آج چکبالاپور ضلع کے ڈی ڈی پی آئی اشوتھ ریڈی نے جین اسکول کے خلاف ایک نوٹس جاری کیا ہے کہ اسکول کے انتظامیہ محکمہ تعلیمات عامہ کے قوانین کی خلاف ورزی کرتے ہوئے من مانی کرنے کی شکایت آئی ہے اسکول کو دسویں جماعت کے لئے منظوری نہیں دی گئی ہے لیکن پھر بھی اسکول میں دسویں جماعت کے طلباء کا داخلہ لئے جانے کی شکایت بھی موصول ہوئی ہے اسکول کی انتظامیہ مقامی محکمہ تعلیمات عامہ کو اسکول کے تعلق سے غلط رپورٹ پیش کی ہیں اس لئے دو دنوں کے اندر اسکول میں طلباء کی تعداد اور ٹیچرس کی تعداد کتنی ہے اسکول میں تعلیم دے رہے ٹیچرس کا ایجوکیشن کیا ہے اس کی تفصیل پیش کی جائے اگر تین دنوں کے اندر ساری اسکول کی تفصیل نہیں دی گئی تو اسکول کے خلاف اور اسکول انتظامیہ کے خلاف قانونی کارروائی کی جائے گی ۔
