ممتا کو نہیں کرنے دوں گا پوجا : پجاری

Source: S.O. News Service | By Shahid Mukhtesar | Published on 20th April 2017, 11:04 AM | ملکی خبریں |

کولکا تہ، 19؍اپریل(ایس او نیوز؍آئی این ایس انڈیا )پوری کے جگن ناتھ مندر کے ایک پجاری سومناتھ کنٹھیا نے بنگال کی وزیر اعلی ممتا بنرجی کے مندر میں پوجا کرنے پر اعتراض کیا ہے۔پجاری کے اس اعتراض سے سیاسی درجہ حرارت میں اضافہ ہوتا نظر آ رہا ہے۔ترنمول کانگریس نے پجاری کی اس حرکت کے پیچھے بی جے پی کو ذمہ دار ٹھہرایا ہے۔وہیں، بی جے پی کے ریاستی صدر دلیپ گھوش نے اس سے انکار کرتے ہوئے کہا کہ ممتا بیف کھانے والوں کے حق میں ہمیشہ بولتی رہی ہیں، اس لیے پجاری کو ان کے مذہبی عقیدے پر شک ہوا ہوگا ،اس لیے انہوں نے اعتراض کیا ہوگا ۔غوطلب ہے کہ سومناتھ نے پیر کو مندر کمیٹی کے پاس جا کر ممتا کے وہاں آنے اور پوجا کرنے پر سخت اعتراض کیا اور احتجاجی مظاہرہ کیا۔اس کے بعد پولیس نے اسے حراست میں لے لیا۔سومناتھ نے بتایا کہ ممتا نے گائے اور بھینس کا گوشت کھانے کی اجازت دے کر ہندوؤں کے جذبات کو ٹھیس پہنچایا ہے۔پورا مندر ایک ہندو سناتن مندر ہے، اس لیے میں نے ان کے مندر میں داخل ہونے کی مخالفت کرنے کا فیصلہ کیا ہے، حالانکہ ، مندر کے دیگر پجاری ممتا کے استقبال کے لیے تیار ہیں۔جگن ناتھ مندر کے ذمہ داری حاصل پجاری سوم مہاپاتر نے کہا کہ ممتا بنرجی پوری مندر میں پہنچیں گی ، تو میں کھانڈوا دے کر ان کا استقبال کروں گا۔ممتا مندر میں تقریبا ایک گھنٹے تک رہیں گی۔وزیر اعلی اور ترنمول سربراہ ممتا بنرجی بیمار ممبر پارلیمنٹ سدیپ سے ملنے منگل کو پوری کے ایک نجی اسپتا ل پہنچیں ۔موصولہ اطلاع کے مطابق، ممتا سے ملاقات کے بعد سدیپ پھوٹ پھوٹ کر رو پڑے۔ وہیں اسپتا ل کے باہر صحافیوں سے بات چیت میں ممتا نے کہا کہ سدیپ کی طبیعت بالکل ٹھیک نہیں ہے، ان کی صحت کو لے کر ڈاکٹروں نے بھی تشویش کا اظہار کیا ہے۔انہوں نے کہا کہ ایم پی کا وزن کافی گھٹ گیا ہے۔سدیپ کو دل سے متعلق بیماری ہے اور ان کا بلڈ پریشر نارمل نہیں ہو رہا ہے۔ممبر پارلیمنٹ تاپس پاس کی بھی طبیعت ٹھیک نہیں ہے۔قابل ذکر ہے کہ سدیپ بند و اپادھیائے اور تاپس پال کو سی بی آئی نے روزو یلی معاملے میں گرفتار کیا ہے۔دونوں جیل حراست میں ہیں، لیکن اس دوران سدیپ کی طبیعت مزید بگڑ جانے پر انہیں ہسپتال میں داخل کرایا گیا ہے۔وہیں، اڑیسہ کے وزیر اعلی نوین پٹنائک کے ساتھ ملاقات کے امکان پر ممتا بنرجی نے کہا کہ وہ تین روزہ اڑیسہ دورے پر ہیں۔اگر اس دوران موقع ملا، تو وہ پٹنائک سے ضرور ملاقات کریں گی۔انہوں نے کہا کہ نوین کے ساتھ ان کے بہتر تعلقات ہیں اور گزشتہ دنوں وہ پارلیمنٹ میں ملی تھیں ، اس لیے اسے لے کر کسی بھی طرح کی سیاسی قیاس آرائی لگانے کی ضرورت نہیں ہے۔

ایک نظر اس پر بھی

علی گڑھ مسلم یونیورسٹی ٹیچرس ایسوسی ایشن کی جانب سے سالانہ ڈنر کا اہتمام;وائس چانسلر پروفیسر طارق منصور سمیت دیگر معززین کی شرکت

علی گڑھ مسلم یونیورسٹی ٹیچرس ایسوسی ایشن کی جانب سے یہاں اے ایم یو اسٹاف کلب میں سالانہ ڈنر کا اہتمام کیا گیا، جس میں بطور مہمان خصوصی وائس چانسلر پروفیسر طارق منصور نے شرکت

سیلاب متاثرین کی راحت رسانی میں کوتاہی ناقابل برداشت،مقامی انتظامیہ کوسخت ہدایات;کشن گنج کے ایم پی مولانااسرارالحق قاسمی کی نگرانی میں سیلاب متاثرین کے درمیان اشیاء خوردنی کی تقسیم

سیلاب کی تباہی سے دوچارکشن گنج،پورنیہ اور سیمانچل کے دیگر اضلاع میں جاں بحق ہونے والے افراد کی تعداد اب تک ڈیڑھ سوسے متجاوزہوچکی ہے