مخلوط حکومت کو گرانا بی جے پی کا خواب خرگوش، عوام کی حمایت سے ہی میں دوبارہ وزیراعلیٰ بنوں گا: سدرامیا

Source: S.O. News Service | By Shahid Mukhtesar | Published on 29th August 2018, 9:18 PM | ریاستی خبریں |

بنگلورو،29؍اگست(ایس او نیوز) سابق وزیراعلیٰ اور حکمران اتحاد کی رابطہ کمیٹی کے چیرمین سدرامیا نے کہا ہے کہ ریاست کا وزیر اعلیٰ بننے کی جو خواہش انہوں نے ظاہر کی ہے وہ صرف ریاستی عوام کی مرضی کے مطابق ہوگی، ان کے اس بیان کا یہ مطلب ہرگز نہیں ہے کہ موجودہ حکومت کو گراکر وہ وزیر اعلیٰ بننا چاہتے ہیں۔

اخباری نمائندوں سے بات چیت کرتے ہوئے انہوں نے کہاکہ عوام نے اگر ساتھ دیاتو وہ وزیر اعلیٰ بنیں گے، لیکن مخلوط حکومت کو کوئی خطرہ ان کی وجہ سے نہیں پہنچے گا۔ حکومت کی طرف سے جو بھی فیصلہ لیاجائے گا وہ صرف عوام کے مفاد میں ہوگا۔

ہبلی میں سابق وزیراعلیٰ نے کہاکہ کئی وزراء اور اراکین اسمبلی نے بھی وزیر اعلیٰ بننے ان کی خواہش کی حمایت کی ہے، مگر اس کا مطلب یہ نہیں کہ کانگریس مخلوط حکومت کوگرانا چاہتی ہے۔ ان کے اس بیان کی وجہ سے بی جے پی کا دعویٰ یہ ہے کہ مخلوط حکومت انتشار کا شکار بن چکی ہے، بے بنیاد ہے۔

انہوں نے کہاکہ ریاست کے اقتدار پر قبضہ کرنے بی جے پی جو منصوبہ بنارہی ہے وہ محض خواب خرگوش ہے جو کبھی پورا نہیں ہوپائے گا۔ انہوں نے کہاکہ اگلے انتخابات میں پارٹی اگر اقتدار پر آئے تو اس وقت وہ ریاست کے وزیر اعلیٰ ضرور بنیں گے۔ انہوں نے کہاکہ بی جے پی کے کچھ لیڈر دن میں تارے دیکھنے لگے ہیں کہ کانگریس جنتادل (ایس) مخلوط حکومت کو گرادیں گے اور اقتدار پر آسانی سے قبضہ کرلیں گے، ایسا کبھی نہیں ہوگا۔

مخلوط حکومت مضبوط ہے اور عوام کی امنگوں کے مطابق بہترین انتظامیہ فراہم کررہی ہے۔ سدرامیا نے کہاکہ مخلوط حکومت کے تعلق سے جو بھی فیصلہ ہو گا وہ صرف رابطہ کمیٹی میں ہوگا۔ انہوں نے کہاکہ مخلوط حکومت کے فیصلوں میں انہیں نظر انداز کئے جانے کے متعلق جو خبریں عام کی جارہی ہیں ان میں کوئی حقیقت نہیں ہے۔

انہوں نے کہاکہ مخلوط حکومت میں شامل دونوں جماعتوں نے مل کر انہیں حکمران اتحاد رابطہ کمیٹی کا چیرمین مقرر کیا ہے، اس سے بڑھ کر اعتماد انہیں اور کیا چاہئے۔ یہ تاثر غلط ہے کہ حکومت کے فیصلوں میں انہیں خاطر میں نہیں لایا جارہا ہے۔ کانگریس کے بعض اراکین اسمبلی کی بی جے پی میں شمولیت کے متعلق خبروں کو جھوٹ کا پلندہ قرار دیتے ہوئے سدرامیا نے کہاکہ بی جے پی کسی نہ کسی طرح ریاست کے اقتدار پرقبضہ کرنے کی دوڑ میں اندھی ہوچکی ہے۔ اسی لئے عوام میں حکومت کے تعلق سے یہ رائے عام کرنے کے لئے کہ یہ حکومت غیر مستحکم ہوچکی ہے، وقتاً فوقتاً ایسی خبریں اڑاتی رہتی ہے۔

انہوں نے کہاکہ ان کی پچھلی حکومت نے عوام کی فلاح وبہبود کے لئے جو منصوبے مرتب کئے تھے ان تمام کو کمار سوامی حکومت نے برقراررکھا ہے۔ اور ان منصوبوں کے لئے گرانٹس بھی فراہم کرنے کا وعدہ کیا گیا ہے۔ انہوں نے کہاکہ اگر گرانٹ کی فراہمی میں کوئی مسئلہ ہے تو وہ خود کمار سوامی سے بات چیت کریں گے۔

جنتادل (ایس) کے اراکین اسمبلی اور قائدین کی طرف سے کانگریس اراکین اسمبلی کے رویے سے ناراضی ظاہر کرتے ہوئے اے آئی سی سی جنرل سکریٹری وینو گوپال کو مکتوب لکھنے کی خبر کو بھی جھوٹی قرار دیتے ہوئے سدرامیا نے کہاکہ ایسا کوئی مکتوب لکھا گیا ہے اور نہ ہی ایسے کسی امر سے وہ واقف ہیں۔

ایک نظر اس پر بھی

آئی ایم اے سرمایہ کاری گھوٹالے کے سرغنہ منصور خان کوایس آئی ٹی نے کیا گرفتار؛ چھان بین کے لئے کیا انفورسمنٹ ڈائریکٹوریٹ کے حوالے

حلال کمائی کے نام پر بھاری منافع کا لالچ دے کرہزاروں لوگوں سے کروڑوں روپے سرمایہ کاری میں لگوانے کے بعد اچانک فرار ہوجانے والے آئی ایم اے کے سرغنہ منصور خان کوپولیس کی خصوصی تحقیقاتی ٹیم (ایس آئی ٹی)نے نئی دہلی کے ایئر پورٹ پر رات 1.30بجے گرفتار کرلیا۔

مینگلور کے قریب بنٹوال میں بھیانک سڑک حادثہ؛ بھٹکل کے ایک ہی خاندان کے چار افراد ہلاک، سات زخمی؛ مرنے والوں میں دلہا بھی شامل

مینگلور کے قریب بنٹوال میں  آج جمعہ صبح   پیش آئے ایک بھیانک سڑک حادثے میں بھٹکل کے ایک ہی خاندان کے چار افراد ہلاک ہوگئے جبکہ سات دیگر شدید زخمی ہوگئے ۔ مرنے والوں میں  دلہا بھی شامل ہے جبکہ دلہن  کی حالت نازک بتائی گئی ہے۔  حادثہ اُس وقت پیش آیا جب ایک کار، جس پر یہ سبھی ...

باغی اراکین اسمبلی ایوان کی کارروائی میں حاضر ہونے کے پابند نہیں:سپریم کورٹ عدالت کے فیصلہ سے مخلوط حکومت کو جھٹکا -کانگریس عدالت سے دوبارہ رجوع کرے گی

کرناٹک کے باغی اراکین اسمبلی کے استعفوں سے متعلق سپریم کورٹ نے آج جو فیصلہ سنایا ہے وہ ”آڑی دیوار پر چراغ رکھنے“ کے مصداق ہے- کیونکہ اس سے نہ کرناٹک کا سیاسی بحران ختم ہوگا اورنہ ہی مخلوط حکومت کو بچانے میں کچھ مدد ملے گی-