مسلمانوں اٹھو! رمضان المبارک رحمت، مغفرت اور جہنم سے نجات کا پروانہ لیکرآرہا ہے! رمضان آنے سے پہلے اسکی تیاری کرلو: مولانا سید انظر شاہ قاسمی

Source: S.O. News Service | By Shahid Mukhtesar | Published on 7th May 2018, 11:21 AM | ریاستی خبریں | ان خبروں کو پڑھنا مت بھولئے |

بنگلورو، 6 مئی(ایس او نیوز؍محمد فرقان) سال کے گیارہ مہینے گھر کیلئے، بیوی بچوں کیلئے، کاروبار کیلئے اور صرف ایک ماہ اللہ کی عبادت کیلئے، اللہ کو راضی کرنے کیلئے۔مسلمانوں اٹھو رمضان آرہا ہے! اس سے پہلے کہ اللہ کے دربار سے رمضان ہمارا مہمان بن کر ہم تک پہنچے اسکے استقبال کیلئے تیار ہوجاؤ۔اسکا استقبال عبادتوں سے اور گناہوں سے توبہ کرکے کیا جاتا ہے۔ جس نے اسکا استقبال صحیح طریقے سے کیا وہ اللہ کے یہاں مقبول ہوگا اور جس نے نہیں کیا وہ مجرم ہوگا۔ ان خیالات کا اظہار مسجد شباب الاسلام، گروپن پالیہ ،بنگلور میں نماز جمعہ سے قبل خطاب کرتے ہوئے شیر کرناٹک، شاہ ملت حضرت مولانا سید انظر شاہ قاسمی مدظلہ نے کیا۔

شاہ ملت نے فرمایا کہ رمضان المبارک ہمارے لئے رحمت، مغفرت اور جہنم سے نجات کا پروانہ لیکر آرہا ہے۔ انہوں نے فرمایا کہ کتنی بد قسمتی ہوگی کہ ہمارے پاس اللہ کے یہاں سے مہمان آئے اور ہم اپنے کاموں میں مشغول رہیں۔ مولانا نے فرمایا کہ رمضان المبارک آنے سے پہلے مسلمانوں کو ایک ترتیب بنانی چاہئے، جس سے وہ زیادہ وقت غیر ضروری کاموں میں برباد کئے بغیر اللہ کی عبادت میں گزارے،تلاوت قرآن پاک میں گزارے۔ مولانا نے فرمایا آج ہم لوگ رمضان میں صرف سحری اور افطاری کے تیاریوں میں مصروف رہتے ہیں جبکہ نبی کریم ﷺ نے اکثر سحری اور افطاری صرف کھجور سے کیا ہے۔ مولانا نے فرمایا کہ سحری اور افطاری کرنا بھی روزہ میں شامل ہوتا ہے لیکن اتنا زیادہ بھی تناول نہیں کرنا چاہئے کہ فجر اور تراویح پڑھنے میں تکلیف ہو۔مولانا نے فرمایا کہ اکثر ہوٹل والے رمضان میں کھانے وغیرہ کی قیمت زیادہ کردیتے ہیں جو بلکل غلط ہے۔ انہوں نے فرمایا کہ جہاں اچھے انداز میں قرآن پڑھا جاتا ہو، جہاں ہماری اصلاح ہوتی ہو وہاں تراویح پڑھیں اور آخری عشرے میں اعتکاف ضرور کریں۔

مولانا شاہ قاسمی نے 2023ء کے بارے میں بتاتے ہوئے فرمایا کہ 1923ء میں ترکی کے خلیفہ نے باطل طاقتوں کے ساتھ ایک سو سال کا جو معاہدہ کیا تھا وہ 2023ء میں ختم ہوجائے گا اور معاہدے کے مطابق تمام عربی اور دیگر ممالک پھر سے ترکی حکومت کے حوالے ہونگے اور موجودہ ترکی حکومت کا سربراہ طیب اردگان اسکی باگ ڈور سنبھالیں گے۔شاہ ملت نے فرمایا کہ الحمدللہ طیب اردگان اس کے قابل بھی ہیں اور وقت کے فرعونوں پر انکا دبدبہ بھی بہت زیادہ ہے۔ پوری دنیا میں ظلم کے خلاف سب سے پہلی آواز یہی بلند کرتے ہیں۔ انہوں نے کہا کہ اقوام متحدہ کے میٹنگ میں بھی طیب اردگان نے آواز حق کو بلند کیا ہے۔مولانا نے امید ظاہر کی کہ 2023ء کے بعدطیب اردگان خلافت عثمانیہ قائم کرنے کی پوری کوشش کریں گے۔ قابل ذکر ہیکہ ہزاروں کی تعداد میں عوام الناس سے خطبہ جمعہ سے استفادہ کیا اور نماز جمعہ ادا کی۔ بعد نماز ذکر کی مجلس منعقد ہوئی اور شاہ ملت کی رقت آمیز دعا پر مجلس کا اختتام ہوا۔

ایک نظر اس پر بھی

سماج کی غلطیوں کو سدھارنے صحافی رول ادا کرسکتے ہیں تمام صحافیوں کو عنقریب انشورنس کی سہولیت مہیا کرائی جائیگی: جی ٹی دیوے گوڑا

بروز جمعہ میسور کے راماجوجا روڈ پر واقع راجیندرا کلامندر میں میسور ضلع صحافیوں کے زیر اہتمام منعقدہ یوم صحافت کے موقع پر میسور کے صحافیوں کو ایوارڈ سے نوازنے کے بعد خطاب کرتے ہوئے ریاستی وزیر برائے اعلیٰ تعلیم شری جی ٹی دیوے گوڈا نے کہا کہ سماج میں پائی جانے والی غلطیوں کو ...

ریاست کی مالی حالت بے حد خراب ہوئی ہے؛ ایڈی یورپا کا الزام کمار سوامی بھی سدارامیا کی راہ چل رہے ہیں؛ کچھ دن انتظار کرکے بی جے پی احتجاج کرے گی

ودھان سودھا میں اپوزیشن لیڈر بی ایس ایڈی یورپا نے کہا ہے کہ سابق وزیراعلیٰ سدارامیا کی قرضہ معافی سے ریاست کی معیشت پر بوجھ پڑاتھا، اسے وزیراعلیٰ کمار سوامی کی جانب سے بھی جاری رکھے جانے کے سبب ریاست کی مالی صورتحال خراب ہوگئی ہے۔

منگلور سے عازمین کا دوسرا قافلہ مدینہ منورہ روانہ ؛ حج بھون کی تعمیر کے لئے 10؍کروڑ مختص۔ ضمیر احمد نے زمین کا معائنہ کیا

منگلورو ایر پورٹ سے کل سنیچر شام عازمین حج کا پہلا قافلہ راست مدینہ منورہ روانہ ہوگیا تھا جو 144عازمین پر مشتمل تھا۔ اتنے ہی عازمین کا دوسرا قافلہ آج اتوار  صبح10:15بجے روانہ ہوا۔آخری قافلہ کل بروز پیر23؍جولائی کو سہ پہر تین بجے روانہ ہوگا۔

سائبر سیکورٹی کے نظام کو مستحکم کرنا ضروری 

دہشت گرداانہ حملوں اور سماج دشمن سرگرمیوں پر نظر رکھنے کے لئے جدید ترین ٹیکنالوجی کا استعمال کرتے ہوئے سائبر سیکورٹی قائم کی جارہی ہے جو کہ اس شعبے میں ہندوستان کی ایک اہم پیش رفت ہے۔

بی جے پی کی شکست کے لیے ہم کسی بھی پارٹی سے اتحاد کے لیے تیارہیں : مایاوتی 

بی جے پی کو شکست دینے کے لئے بی ایس پی کسی بھی پارٹی سے اتحاد کو تیار ہے۔ اس فیصلے کا اعلان خود مایاوتی نے کیا۔ دہلی میں ان کے گھر پر ملک بھر سے آئے بی ایس پی کے کو آرڈنیٹر کی میٹنگ ہوئی۔ مایاوتی نے بی ایس پی لیڈروں کو میڈیا سے دور رہنے کی صلاح دی ہے۔ انہوں نے خبردار کرتے ہوئے کہا ...

الور موب لنچنگ واقعہ: اویسی نے کیا ٹویٹ، مودی حکومت کے چار سال ۔ لنچ راج

آل انڈیا مجلس اتحاد المسلمین کے صدر اور رکن پارلیمنٹ اسدالدین اویسی نے راجستھان کے الور میں پیش آئے موب لنچنگ کے تازہ واقعہ پر اپنے سخت ردعمل کا اظہار کیا ہے۔ انہوں نے ایک ٹویٹ کے ذریعہ اس واقعہ کو لے کر مرکز کی مودی حکومت پر سخت حملہ بولا ہے۔  

مودی کی مقبولیت کا ردعمل موب لنچنگ ہے : میگھوال 

راجستھان کے الور ضلع میں ایک بار پھر زر خرید ہجو م کے ذریعہ گائے اسمگلنگ کے شبہ میں اکبر نامی ایک مسلم تاجر کو پیٹ پیٹ کر شہید کر دیا گیا۔اس واقعہ پر مرکزی وزیر ارجن رام میگھوال نے کہا ہے کہ وہ اس واقعہ کی مذمت کرتے ہیں لیکن یہ صرف تنہا واقعہ نہیں ہے ہمیں اس کی تاریخ میں جائیں گے. ...

مرکزی حکومت ماب لنچنگ کے واقعات پرفوری قدم اٹھائے، راجستھان کے تازہ واقعہ نے پھرسے ملک کوشرمسارکیا:مولانااسرارالحق قاسمی

ایک طرف ملک کی عدالت عظمیٰ کی جانب سے ماب لنچنگ کے سلسلے میں قانون سازی کی ہدایت جاری کی جاتی ہے جس کی مخالفت کرتے ہوئے حکومت کی جانب سے کہاجاتاہے کہ قانون بنانے کی ضرورت نہیں ہے اوراس معاملے کوجتنا زیادہ پھیلایاجارہاہے اتنی حقیقت نہیں ہے،مگر دوسری جانب ایسے انسانیت سوز اور ...