آئی اے ایس افسر سے بدکلامی اور دھمکی کا معاملہ؛ وزیراعلی سدارامیا کا رکن اسمبلی کو انتباہ

Source: S.O. News Service | By I.G. Bhatkali | Published on 12th October 2017, 5:11 PM | ریاستی خبریں |

بنگلورو، 11اکتوبر (یو این آئی/ایس او نیوز ) کرناٹک کے وزیراعلی سدارامیا نے پارٹی کے رکن اسمبلی کی جانب سے آئی اے ایس افسر سے مبینہ بدکلامی اور انہیں دھمکی دینے پر شدید اعتراض کیا۔ اس تعلق سے جب میڈیا کے نمائندوں نے ان سے ردعمل جاننا چاہا تو انہوں نے کہا '' اس واقعہ کا علم ہونے کے بعد میں نے رکن اسمبلی شیوامورتی کو سنجیدگی کے ساتھ مشورہ دیا کہ وہ ایسی سرگرمیوں میں ملوث نہ ہوں ۔مجھے ہنوز اس تعلق سے تفصیلات نہیں ملی ہیں۔ رپورٹ ملنے کے بعد میں کارروائی کروں گا۔

'' بتایا جاتا ہے کہ رکن اسمبلی سکریٹری کامرس ' معدنیات و زوالوجیکل ڈپارٹمنٹ راجندر کمار کٹاریہ سے بار بار ملاقات کررہے تھے اور ان کے بیٹے کی کانکنی کے لائسنس کی درخواست کو منطوری دینے کا مطالبہ کرتے ہوئے ان سے مبینہ طور پر بدکلامی کی گئی۔تاہم رکن اسمبلی نے بدکلامی یا دھمکی دینے کے الزامات کی تردید کی۔ اسی دوران کٹاریہ نے آئی اے ایس آفیسرس ایسوسی ایشن کے صدر پی روی کمار ' چیف سکریٹری سبھاش چندرا کنتیا ' پرنسپال سکریٹری ایل کے عتیق سے اس تعلق سے شکایت کرتے ہوئے اس مسئلہ کو سدارامیا کے علم میں لایا۔کٹاریہ نے الزام لگاتے ہوئے کہا کہ گذشتہ روز پیش آئے اس واقعہ کے بعد میں نے سدارامیا سے ملاقات کی اور ان سے کہا کہ ان حالات میں فرائض انجام دینا میرے لئے مشکل ہوگا۔ میں نے پولیس سے شکایت کرنے کے امکان پر غور کیا تھا تاہم اس سے میں نے گریز کیا۔یہ کہتے ہوئے کہ کانکنی کے لئے لائسنس دینے سپریم کورٹ کی ہدایت کی خلاف ورزی کرتے ہوئے وہ کسی مخصوص شخص کی حمایت نہیں کرسکتے ' کٹاریہ نے کہا کہ جب عدالت عظمیٰ کرناٹک میں کانکنی کی تجارت پر قریبی نظر رکھے ہوئے ہے ' کسی کی بھی حمایت ممکن نہیں ہے ۔چیف سکریٹری کو لکھے گئے خط میں کٹاریہ نے کہا کہ رکن اسمبلی کے فرزند سورج نے سدیشور ا درگا گاوں کے سروے نمبر 78کی 6ایکر اراضی کو کانکنی کے لئے لیز پر دینے کی منظوری کی خواہش کی تھی۔ قواعد کے مطابق نائک کی جانب سے داخل کردہ درخواست نامناسب ہے ۔ کٹاریہ نے الزام لگایا کہ رکن ا سمبلی نے کانکنی و معدنیات کے ڈائرکٹر سے اس فائل کی منظوری حاصل کرنے کے لئے ان پر دباو ڈالنے کی کوشش کی ہے ۔ کٹاریہ نے کہا کہ رکن اسمبلی نے کہا کہ وہ حکومت ہیں اور ان کے احکام پر عمل کیا جانا چاہئے ۔ اگر ان کے احکام پر عمل نہیں کیا گیا تو مستقبل میں سنگین عواقب کا سامنا کرنا پڑسکتا ہے ۔ کٹاریہ نے اپنے خط میں الزام لگایا کہ رکن اسمبلی نے عوام کے سامنے نہ صرف مجھ سے بدکلامی کی بلکہ کہا کہ میں نے محکمہ کی رقم کو لوٹ لیا ہے ۔نائک نے ان الزامات کی تردید کرتے ہوئے کہا کہ وہ ایس سی /ایس ٹی ویلفیر لیجسلیچر کمیٹی کے صدر ہیں اور مراعات سے محروم طبقہ کی بہبود کے لئے ہی آئی اے ایس افسر سے ملاقات کی گئی ہے ۔
 

ایک نظر اس پر بھی

مہادائی فیصلے کا حکومت چیلنج کرے: سدرامیا

سابق وزیراعلیٰ اور ریاستی حکمران اتحاد کے چیرمین سدرامیا نے ریاستی حکومت سے کہا ہے کہ مہادائی مسئلے پر ٹریبونل کے فیصلے سے کرناٹک کو حالانکہ کچھ حد تک اطمینان ہوا ہے،

بنگلور میں یوم آزادی کی رنگارنگ تقریب؛ وزیراعلیٰ کماراسوامی نے کئی ایک مسائل کو حل کرانے کی، کی یقین دھانی

ہر سال کی طرح امسال بھی بنگلو رمیں  یوم آزادی کی رنگارنگ تقریب منعقد ہوئی جس میں وزیر اعلیٰ ایچ ڈی کمار سوامی نےپرچم کشائی کے بعد خطاب کرتے ہوئے کہا کہ ریاست کی مخلوط حکومت نے تمام کو تعلیم ، صحت اور سماجی تحفظ کو اپنا مقصد بناتے ہوئے ریاست کی ترقی کے لئے انہی تین چیزوں کو ...

شکاری پور کی گلشن زبیدہ کالج میں جشن آزادی تقریب؛ حافظ کرناٹکی اور سو امی شر ی چننا بسوا نے دیا پُرزور خطاب

ضلع شموگہ کے شکاری پور میں واقع  گلشن زبیدہ کالج میں حسب روایت  اس با ر بھی نہایت شا ندار طر یقے سے جشن آزادی کا اہتمام کیا گیا ۔ گلشن تعلیمی ادارہ کے روح رواں جناب   حافظؔ کر نا ٹکی نے گلشن زبیدہ کی تا بندہ سیکو لر رو ایت کو ہند وستا ن کی سیکو لر رو ایت کا اعلا میہ بنا تے ہو ئے پر ...

اشتہاری مافیا کے بعد اب کچرا مافیا کو ختم کرنے بی بی ایم پی مستعد، دو ہفتوں میں شہر کے سبھی وارڈوں کے لئے گندگی کی نکاسی کے نئے کنٹراکٹ

برہت بنگلو رمہانگر پالیکے نے شہر میں اشتہاری مافیا پر روک لگانے کے لئے ہائی کورٹ کی یکے بعد دیگرے لتاڑ سے خوفزدہ ہوتے ہوئے اب کچرامافیاکو کچلنے کے لئے سخت قدم اٹھانے کا فیصلہ کیا ہے۔

فلیکس اور بینر ہٹانے کے لئے بی بی ایم پی کی مہم پر ہائی کورٹ برہم، 5؍ ستمبر تک مہلت دئے جانے کے اقدام پر عدالت نے بی بی ایم پی کو لیا آڑے ہاتھ

شہر بھر میں فلیکس اور بینر ہٹانے کے لئے برہت بنگلور مہانگر پالیکے کی طرف سے جاری مہم کی رفتار میں اور تیزی لانے پر زور دیتے ہوئے ریاستی ہائی کورٹ نے بی بی ایم پی کو تاکید کی ہے کہ آئندہ شہر میں فلیکس اور بینر لگاکر قانون شکنی کرنے والے افراد کے خلاف سخت کارروائی یقینی بنائی ...