بنگلورو،19؍جنوری (ایس او نیوز) ہائی کورٹ نے ایک ہدایت جاری کرتے ہوئے کہاکہ بنگلوروشہر میں سڑکوں کے کنارے بیوپارکرنے والے بیوپاریوں کو 21فروری سے پہلے شناختی کارڈ ( آئی ڈی کارڈ) فراہم کردیاجائے ، ہائی کورٹ نے بروہت بنگلور مہانگر پالیکے ( بی بی ایم پی) کو اس بات کی ہدایت دی کہ وہ جلد ازجلد سڑک کنارے تجارت کرنے والے بیوپاریوں کو آئی ڈی کارڈ دے، سڑک کے بیوپاریوں میں شناختی کارڈ تقسیم کرنے کیلئے بی بی یم پی کو ہدایت دینے بنگلورو ضلع خوردہ فروش تنظیموں کے فیڈریشن کے صدر یس بابو ودیگر نے ہائی کورٹ میں عرضی دائرکی تھی، اس عرضی پرسماعت کرتے ہوئے جسٹس ونیت کوٹھاری پرمشتمل بنچ کل یہ حکمنانہ جاری کیا، بی بی یم پی کی جانب سے جن بیوپاریوں کونشان زد کیاگیاہے۔ انہیں فوری طورپر آئی ڈی کارڈ دےئے جائیں۔21فروری سے پہلے آئی ڈی کارڈ فراہم کرنے میں نام کام رہے تو اس کام کے نگراں کارافسر کو فی یوم 1000روپے کے طورپر جرمانہ عائد کیاجائے گا۔ طے شدہ تاریخ میں جتنی تاخیر ہوگی، ایک دن کی تاخیر کے حساب سے بی بی یم پی سے جرمانہ وصول کیاجائے گا۔ عرضی گزاروں کی جانب سے عدالتی کارروائی انجام دینے والے وکیل کلپٹن روژاربو نے کہاکہ قومی شہری زندگی گزر بسراسکیم کے تحت کرناٹک کے تمام شہروں میں برسرروزگار سڑک کے بیوپاریوں کا سروے کرتے ہوئے آئی ڈی کارڈ فراہم کرنے مرکزی حکومت نے ہدایت جاری کی تھی۔ اس اسکیم کے تحت بی بی یم پی کے افسروں نے 2017میں سروے کیاتھا لیکن اب تک آئی ڈی کارڈ جاری نہیں کیاگیا۔ اس لئے عدالت نے بی بی یم پی کوحکم دیتے ہوئے کہاکہ خصوصی طورپر آئی ڈی کارڈ جاری کریں۔