کاروار میں معذور طالبہ کو امتحان میں مراعات دینے کا معاملہ۔ ایڈیشنل ڈی سی نے جاری کیا ڈی ڈی پی یو کو نوٹس

Source: S.O. News Service | By Shahid Mukhtesar | Published on 8th March 2019, 7:18 PM | ساحلی خبریں |

کاروار 8؍مارچ (ایس او نیوز) کاروار کے باڈ میں واقع شیواجی کالج میں پی یو سی سال دوم کے امتحانات کے دوران ایک معذور طالبہ کو جوابی پرچہ لکھنے کے لئے غیر قانونی طور پر مددگار دئے جانے کا معاملہ سامنے آنے کے بعد ایڈیشنل ڈپٹی کمشنرنے ڈپٹی ڈائریکٹرپری یونیورسٹی کو وجہ بتاؤ نوٹس جاری کردیا ہے۔

موصولہ رپورٹ کے مطابق یکم مارچ کو شیواجی کالج میں ایک نیم اندھی طالبہ کو قانونی طور پر گنجائش نہ ہونے کے باوجود جوابی پرچہ لکھنے کے لئے مدد گار فراہم کیے جانے کی شکایت موصول ہوئی تھی۔ اس کا جائزہ لینے کے لئے ایڈیشنل ڈپٹی کمشنر ایس یوگیش راؤ اور اسسٹنٹ کمشنر ابھیجین مذکورہ کالج میں پہنچے۔ وہاں پر اس وقت کم بینائی کا شکار ایک طالبہ کا پرچہ بی کام فائنل ایئر کی طالبہ مددگار کے طور پر لکھتی ہوئی پائی گئی۔قانونی طور پر کسی طالب علم کو اسی وقت مددگار فراہم کیا جاسکتا ہے جبکہ وہ صد فی صد معذور ہو۔ یعنی دونوں ہاتھ یا دونوں آنکھوں سے معذور ہو۔ اس کے علاوہ جس مضمون کے لئے معذور طالب علم امتحان دے رہا ہے پرچہ لکھنے والا مددگار بھی اسی مضمون کا طالب علم ہو۔

موجودہ معاملے میں افسران کے معائنے سے پتہ چلا کہ طالبہ کے پاس 45فی صد معذور ہونے کی طبی سرٹفکیٹ تھی۔ اس کے علاوہ جوابی پرچہ لکھنے والی مددگار بی کام فائنل ایئر کی طالبہ تھی۔ اس طرح دو نوں پہلوؤں سے قانون شکنی کرتے ہوئے طالبہ کو مددگار فراہم کیے جانے کی بات ثابت ہوگئی تو ایڈیشنل ڈی سی نے اس کے لئے ڈی ڈی پی یو کو نوٹس دے کر پوچھا ہے کہ آخر یہ قانون شکنی کیوں کی گئی ہے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...