شام: دمشق کے نواح میں اسرائیلی بم باری

Source: S.O. News Service | By Shahid Mukhtesar | Published on 8th February 2018, 12:19 PM | عالمی خبریں |

دمشق/ دبئی7فروری ( ایس او نیوز؍آئی این ایس انڈیا ) شام میں بشار حکومت کی خبر رساں ایجنسی SANA نے بتایا ہے کہ شامی فوج نے دمشق کے نواح میں اسرائیلی بم باری کی نئی کارروائی کا راستہ روک دیا۔ادھر شامی کارکنان کا کہنا ہے کہ دمشق کے نواحی علاقے جمرایا میں واقع سائنس ریسرچ سینٹر اسرائیلی میزائل حملے کا نشانہ بنا۔ شامی حکومت کا دعوی ہے کہ اس کے دفاعی نظام نے مذکورہ ٹھکانے پر اسرائیلی حملے کو پسپا کر دیا۔گزشتہ ماہ 9 جنوری کو اسرائیلی فوج نے شامی اراضی پر فضائی حملوں میں میزائل داغے تھے۔ شامی فوج کے بیان کے مطابق اس کے نتیجے میں ایک عسکری مقام کے نزدیک مادی نقصان ہوا۔بیان کے مطابق "لبنان کی اراضی کے اوپر سے متعدد میزائل دمشق کے نواحی علاقے قطیفہ کی سمت داغے گئے۔ شامی فوج نے ان میزائلوں کا راستہ روکا اور ایک طیارے کو نقصان بھی پہنچایا ۔بیان میں بتایا گیا کہ اسرائیل نے مقبوضہ گولان سے بھی زمین سے زمین مار کرنے والے دو میزائل داغے جن کو شامی فوج نے مار گرایا۔اس سے قبل اسرائلی طیاروں نے طبریا سے چار میزائل داغے تھے جن کو شامی حکومت کی فوج نے ناکام بنا دیا۔سال 2011 سے شام میں تنازع کے آغاز سے اب تک اسرائیل کئی بار شام میں بشار کی فوج اور حزب اللہ کے عسکری اہداف کو نشانہ بنا چکا ہے۔ اس کے علاوہ دمشق کے بین الاقوامی ہوائی اڈے کے نزدیک بھی کئی ٹھکانوں پر بم باری کی گئی۔

ایک نظر اس پر بھی

2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

 امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی ...

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...