اسرائیل نے ٹیمپل ماؤنٹ دوبارہ کھول دیا
مقبوضہ یروشلم ،16؍جولائی(ایس او نیوز؍آئی این ایس انڈیا)اسرائیل نے دو روز تک مکمل ناکہ بندی کے بعد بیت المقدس کو یہودیوں اور مسلمانوں کے لیے کھول دیا ہے۔ اسی علاقے میں یہودیوں کا مقدس ترین مقام ٹیمپل ماؤنٹ اور مسلمانوں کے لیے مقدس مسجد الاقصیٰ واقع ہیں۔ پولیس کے مطابق اس علاقے میں داخلے کے لیے تاہم سخت ترین سکیورٹی انتظامات کیے گئے ہیں۔ دو روز قبل اسی مقام پر فائرنگ کے ایک واقعے میں دو اسرائیلی سکیورٹی اہکاروں کی ہلاکت کے بعد یہ علاقہ بند کر دیا گیا تھا اور مسلمان مسجد الاقصیٰ میں جمعے کی نمازنہیں پڑھ پائے تھے۔
