شام: سویداء اور اس کے نواحی دیہات میں خود کش دھماکہ، متعدد افراد ہلاک 

Source: S.O. News Service | By Shahid Mukhtesar | Published on 26th July 2018, 12:10 AM | عالمی خبریں |

دمشق25جولائی ( ایس او نیوز؍آئی این ایس انڈیا ) شام میں انسانی حقوق کے نگراں گروپ المرصد کے مطابق داعش تنظیم کی جانب سے شام کے جنوب میں السویداء شہر اور اس کے نواحی علاقے کو سلسلہ وار خود کش دھماکوں کا نشانہ بنایا گیا۔ ان دہشت گرد حملوں میں عام شہریوں سمیت 40 افراد جاں بحق ہو گئے۔

المرصد کے ڈائریکٹر رامی عبدالرحمن کے مطابق مارے جانے والوں میں شامی حکومت کی فورسز کے کم از کم 26 ہمنوا مارے گئے ہیں جب کہ زخمیوں کی تعداد 30 سے زیادہ ہے۔

رامی عبدالرحمن نے بتایا کہ صرف السویداء شہر میں ہی بارودی بیلٹوں کے ذریعے تین دھماکے کیے گئے۔ اس کے علاوہ شہر کے مشرقی اور شمال مشرقی نواحی دیہات میں بھی دیگر دھماکے ہوئے ہیں۔

بشار حکومت کی فوج کو جنوبی شام کے صوبے السویداء پر مکمل کنٹرول حاصل ہے جب کہ صوبے کے شمال مشرقی اطراف میں صحرائی علاقے میں داعش تنظیم کے عناصر پائے جاتے ہیں۔ یہ افراد وقتا فوقتا بشار کی فوج کو حملوں کا نشانہ بناتے ہیں۔

رامی عبدالرحمن کے مطابق السویداء شہر میں نشانہ بنایا جانے والا علاقہ گنجان آباد ہے۔ انہوں نے بتایا کہ داعش تنظیم نے جن سات دیہات پر حملہ کیا تھا ان میں سے تین دیہات پر وہ قبضہ کرنے میں کامیاب ہو گئی ہے۔

دوسری جانب شامی سرکاری خبر رساں ایجنسی SANA نے السویداء شہر میں ہلاکتوں اور زخمیوں کی تصدیق کی ہے۔ سرکاری ٹی وی نے بھی السویداء کے شمال مشرقی دیہات پر حملوں میں متعدد لوگوں کے ہلاک اور زخمی ہونے کی خبر دی ہے۔

رامی عبدالرحمن کا کہنا ہے کہ علاقے میں جن ٹھکانوں کی جانب دہشت گرد پیش قدمی کر رہے ہیں ان ٹھکانوں کو لڑاکا طیاروں کے ذریعے نشانہ بنایا جا رہا ہے تاہم یہ نہیں معلوم کہ آیا یہ طیارے شامی حکومت یا روسی فضائیہ کے ہیں۔

ادھر داعش تنظیم سے بیعت کرنے والا ایک گروپ السویداء کے متوازی درعا صوبے کے جنوب مغرب میں ایک چھوٹی سی پٹی پر قابض ہے۔ یاد رہے کہ شامی فوج دو جنوبی صوبوں درعا اور قنیطرہ کے بڑے حصرے کو واپس کنٹول میں لے چکی ہے۔

ایک نظر اس پر بھی

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...

غزہ : پیراشوٹ نہ کھلنے سے امدادی سامان فلسطینیوں پر گرگیا، 5افراد جاں بحق

یہاں ہیلی کاپٹر کے ذریعے امدادی سامان پھینکنے کے دوران ایک بھاری پیکٹ پیرا شوٹ نہ کھلنے کی وجہ سے امداد کے منتظر فلسطینی خاندان پر گر گیا جس میں 5 افراد جاں بحق ہو گئے جبکہ 10سے زائد زخمی بتائے جارہے ہیں۔ اردن کی فوج کے ایک اہلکار نے نام نہ ظاہر کرنے کی شرط پر اے ایف پی کو بتایا کہ ...