افغانستان: اسلامک اسٹیٹ نے لی کابل خودکش بم حملہ کی ذمہ داری

Source: S.O. News Service | By Shahid Mukhtesar | Published on 23rd July 2018, 11:28 AM | عالمی خبریں |

قاہرہ،23؍جولائی (ایس او نیوز؍ایجنسی) دہشت گرد تنظیم اسلامک اسٹیٹ (آئی ایس) نے کابل میں خود کش بم حملے کو انجام دینے کی ذمہ داری لی ہے۔ آئی ایس نیوز ایجنسی اماک نے یہ اطلاع دی ہے۔ موصولہ اطلاعات کے مطابق، آئی ایس نے کہا ہے کہ افغانستان کے جلاوطن نائب صدر عبد الرشید دوستم کو نشانہ بنا کر دارالحکومت کابل ہوائی اڈے کے قریب کئے گئے خود کش بم حملے کو انجام دیا گیا۔ نائب صدر کے استقبال میں خودکش حملہ آور کو دھماکہ خیز مادوں سے بھری جیکٹ دی گئی۔ فدائین حملہ آور نے مسٹر دوستم کی آمد کے موقع پر منايے جا رہے جشن کے درمیان دھماکے کرکے خود کو اڑا لیا۔ اس کے علاوہ آئی ایس نے اس سلسلے میں کوئی دوسری تفصیلات نہیں بتائیں۔

دوستم اتوار کو وطن لوٹنے کے تھوڑی دیر بعد دارالحکومت کابل کے بین الاقوامی ہوائی اڈے کے قریب ایک خود کش حملے میں بال بال بچ گئے تھے لیکن حملے میں کم از کم 14 افراد کی موت اور 50 سے زائد زخمی ہو گئےتھے۔ پولیس نے بتایا کہ کابل کے حامد کرزئی بین الاقوامی ہوائی اڈے کے قریب جس وقت یہ خود کش حملہ ہوا اس وقت دوستم سرکاری حکام اور حامیوں کی ایک بڑی بھیڑ کے ساتھ ہوائی اڈے سے نکل رہے تھے۔

دوستم کے ترجمان بشیر احمد تيانز نے بتایا کہ دوستم کا قافلہ نکلنے کے دوران دھماکے کی آواز سنائی دی۔ وہ بکتر بند گاڑی سے چل رہے تھے اور محفوظ ہیں۔ قابل غور ہے کہ دوستم انسانی حقوق کی خلاف ورزی کے الزامات کی وجہ سے گزشتہ سال مئی سے ترکی میں تھے۔

ایک نظر اس پر بھی

پاکستان جب تک دہشت گردی کے خلاف مؤثرکاروائی نہیں کرتا، ایئر اسٹرائک جیسے قدم اٹھاتے رہیں گے: وزارت دفاع

وزارت دفاع نے دو ٹوک کہا ہے کہ جب تک پاکستان دہشت گرد گروپوں کے خلاف قابل اعتماد کارروائی نہیں کرتا، تب تک ہندوستان اپنی قومی سلامتی کو یقینی بنانے کے لئے سخت اقدامات اٹھاتا رہے گا۔

2008 ممبئی حملے کا ماسٹر مائنڈ حافظ سعید گرفتار

  ممبئی دہشت گردانہ  حملے کے ماسٹرمائنڈ اور تنظیم جماعت الدعوۃ (جےیوڈی) کے چیف حافظ سعید کو Counter Terrorism Department (سی ٹی ڈی) نے پاکستان کے پنجاب  سے بدھ کو گرفتار کر لیا۔افسروں نے بتایا کہ سعید سی ٹی ڈی میں پیش ہونے کے لئے لاہور سے گجرانوالا آیا تھا، تبھی اس کو گرفتار کر لیا گیا۔ اس کے ...

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...

سری لنکا چرچ بم بلاسٹ میں ڈرگ مافیاکا ہاتھ ہے۔ صدر سیری سینا کا بیان

انگریزی اخبار دی نیو انڈین ایکسپریس میں شائع ایک رپورٹ کے مطابق سری لنکا کے صدر مائتھری پالا سیری سینا نے کہا ہے کہ عیسائی تہوار ایسٹر کے موقع پر چرچ کے اندر جو ہولناک بم دھماکے ہوئے تھے اس کے پیچھے بین الاقوامی ڈرگ مافیاکاہاتھ ہے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...