ممبئی داعش معاملہ:استغاثہ نے گواہان کی فہرست عدالت میں جمع کی،معاملے کی باقاعدہ سماعت 17؍ ستمبر سے متوقع 

Source: S.O. News Service | By Shahid Mukhtesar | Published on 6th September 2018, 11:56 AM | ملکی خبریں |

ممبئی6؍ستمبر(ایس او نیوز؍پریس ریلیز) ممنو ع تنظیم داعش کے رکن ہونے کے الزامات کے تحت گرفتار ملزمین محسن شیخ اور رضوان احمد کے مقدمہ کی سماعت باقاعدہ شرو ع ہونے جارہی ہے اس ضمن میں آج وکلاء استغاثہ نے خصوصی این آئی اے عدالت میں گواہان کی فہرست پیش کی جس کے مطابق پہلے مرحلہ می 160؍ گواہان کو نامز د کیا گیا ہے۔

آج خصوصی این آئی اے عدالت کے جج سمیر اڑکر کو وکیل استغاثہ پرکاش شیٹی نے گواہان کے ناموں کی فہرست پیش کی جس کے بعد عدالت نے انہیں حکم دیا کہ وہ معاملے کی اگلی سماعت یعنی کے 17؍ ستمبر کو عدالت میں گواہ کو پیش کرے۔

جمعیۃ علماء مہاراشٹر (ارشد مدنی) کی جانب سے ملزمین کی پیروی کرتے ہوئے ایڈوکیٹ شریف شیخ اور شاہد ندیم نے عدالت سے گذارش کی کہ وہ استغاثہ کو پابند کرے کو وہ مقدمہ کی سماعت پر عدالت میں سرکاری گواہوں کو پیش کرے اور اس تعلق سے دفاعی وکلاء کو آگا ہ بھی کرے کہ وہ کونسا گواہ عدالت میں پیش کرنے جارہی ۔

واضح رہے کہ ممبئی کے مضافات ملاڈ مالونی سے تعلق رکھنے والئے محسن شیخ اور اتر پردیش کے رضوان احمد کو ممبئی اے ٹی ایس نے داعش کے ہم خیال اور رکن ہونے کے الزامات کے تحت گرفتار کیا تھا اور ان پر ملک دشمنی سمیت دیگر سخت دفعات عائد کیئے تھے ۔ مرکزی حکومت کے حکم، نامہ کے مطابق گذشتہ سال اس مقدمہ کو اے ٹی ایس سے لیکر این آئی اے کے حوالے کردیا گیا تھا جس کے بعد سے اس کی سماعت خصوصی این آئی اے عدالت کررہی ہے۔

ایک نظر اس پر بھی