ISنے کیا شفیع ارمارکے شام میں مارے جانے کا اعلان؛ پہلے بھی عام ہوئی تھی مرنےکی خبر
بھٹکل 22؍اگست (ایس او نیوز) کچھ عرصے پہلے میڈیا میں یہ خبر عام ہوئی تھی کہ بھٹکل سے تعلق رکھنے والے شفیع ارمار کو شام میں سرگرم دہشت گرد تنظیم اسلامک اسٹیٹ کا اہم ترین ایجنٹ ہونے کی وجہ سے امریکہ نے اسے دنیا کامطلوب ترین دہشت گرد global terrorist قرار دیا ہے۔
اب میڈیا میںISکے ترجمان 'عمق 'کے حوالے سے تازہ خبریں یہ عام ہورہی ہیں کہ شفیع ارمار المعروف یوسف الہندی اور ایک آسٹریلیائی جنگجو ابوفہد کردستان ورکرز پارٹی (پی کے کے) کے ساتھ لڑتے ہوئے مارے گئے ہیں۔اس رپورٹ پر اگر بھروسہ کیا جائے تو معلوم ہوتا ہے کہ شفیع ارمار کی موت راقّا کے مقام پر امریکہ کی حمایت یافتہ کردش پیپلز ڈفینس فورس کے ساتھ لڑائی میں ہوئی ہے۔شفیع پر الزام تھا کہ اس نے ہندوستان سے کئی نوجوانوں کو ISکا جنگجو بنانے میں اہم کردار ادا کیا ہے۔
ہندوستانی سیکیوریٹی ایجنسیوں کی طرف سے شفیع کی موت کی ابھی باضابطہ تصدیق نہیں ہوئی ہے۔ خیال رہے کہ شفیع کے بھائی سلطان کے تعلق سے بھی میڈیا میں دوسا ل پہلے اسی قسم کی خبریں عام ہوئی تھیں کہ وہ سیریا میں ISکے لئے لڑتے ہوئے امریکی حملے میں مارا گیا ہے۔
خیال رہے کہ گذشتہ سال یعنی 2016 اپریل میں بھی شفیع آرمار کے تعلق سے میڈیا میں خبریں آئی تھی کہ وہ امریکہ کے ہوائی حملے میں مارا گیا ہے، پھر اُس کے مرنے کی خبروں کو غلط بتایا گیا تھا ، بعد میں اُسے دنیا کا مطلوب ترین دہشت گرد قرار دیا گیا، اور اب پھر ایک بار تقریبا سبھی قومی میڈیا میں شفیع آرمار کے مارنے جانے خبریں شائع ہوئی ہیں۔