عشرت جہاں کیس: سی بی آئی عدالت نے پی پی پانڈے کومقدمہ سے ڈسچارج کیا

Source: S.O. News Service | By Shahid Mukhtesar | Published on 21st February 2018, 9:10 PM | ملکی خبریں |

ممبئی،21؍ فروری(ایس او نیوز؍آئی این ایس انڈیا) ایک خصوصی سی بی آئی عدالت نے آج گجرات کے سابق ڈائرکٹر جنرل آف پولیس پی پی پانڈے کو 2004میں پیش آنے والے عشرت جہاں اور تین دیگر کے فرضی انکاونٹر کیس میں ڈسچارج کردیا ہے جوکہ اس معاملہ میں اہم ملزم تھے۔ موصولہ اطلاع کے مطابق احمدآباد میں خصوصی سی بی آئی جج جے کے پانڈیا نے پانڈے کو مقدمہ سے خارج کرنے کی درخواست کو منظورکرتے ہوئے ان کو مقدمہ سے ڈسچارج کردیا ہے ،کیونکہ ان کے خلاف عشرت جہاں اور تین دیگر کے اغواء اور قتل کا کوئی ثبوت نہیں ملا ہے۔سی بی آئی نے تحقیقات کے بعد پانڈے کے خلاف کارروائی کی تھی جوکہ انکاونٹر کے دورمیں احمدآباد کرائم برانچ کے سربراہ تھے اور مبینہ طورپر فرضی مڈبھیڑ میں ملوث تھے۔عدالت نے کہا کہ پانڈے کے خلاف کوئی گواہ نہیں پیش کیا گیا کہ وہ اغوا اور قتل کے معاملہ میں ملوث رہے تھے۔ جبکہ دیگر ایجنسیوں کی تحقیقات میں ثبوتوں وشواہد میں متضاد باتیں پائی گئی ہیں۔ جبکہ ایک سرکاری افسر ہونے کے پیش نظر تحقیقاتی افسر نے ان کے خلاف سرکارکی منظوری حاصل نہیں کی ۔ان کے خلاف سی بی آئی نے 2013میں ڈی جی ونجارا اور جی ایل سنگھانیا سمیت سات آئی پی ایس افسران کے خلاف فردجرم عائد کی تھی۔جن پر اغوا ،قتل اور سازش رچنے کے الزامات عائد کیے گئے ۔سی بی آئی نے آئی بی ڈائرکٹر راجندرکمار اور ایم ایس سنہا کے نام بھی ضمنی چارج شیٹ میں پیش کئے ہیں جسے مرکزکی منظوری نہیں ملی ہے۔ کرائم برانچ کے مطابق ممبئی کے قریب ممبرا کی عشرت جہاں کو اس کے دوست جاوید شیخ عرف پرانیش ،ذیشان جوہر اور امجد رانا کے ساتھ 15جون 2004میں فرضی انکاونٹر میں موت کی نیند سلا دیا گیا تھا ۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...