پاکستان کو ’کلین چٹ‘ دینے پر چدمبرم برہم؛ پوچھا کہ کیا پٹھان کوٹ اور اُری ہندوستان میں نہیں ہیں ؟

Source: S.O. News Service | By I.G. Bhatkali | Published on 14th January 2019, 6:32 PM | ملکی خبریں |

نئی دہلی 14/جنوری (ایس او نیوز/ایجنسی) کانگریس  کے سینئر لیڈر پی چدمبرم نے مرکزی وزیر دفاع نرملا سیتا رمن کے اُن دعووں کی بخیا ادھیڑ دی ہے جس میں انہوں نے کہا تھا کہ سال 2014 میں بی جے پی کے اقتدار میں آنے کے بعد سے کوئی بڑا دہشت گردانہ حملہ نہیں ہوا۔ سخت رد عمل ظاہر کرتے ہوئے   کانگریس لیڈر  پی چدمبرم نے ٹوئٹ کرتے ہوئے سوال کیا ہے کہ ’’کیا وہ 2016 میں پٹھان کوٹ اور اُری میں ہوئے حملوں میں پاکستان کو کلین چٹ دے رہی ہیں؟‘‘ سابق مرکزی وزیر مالیات پی چدمبرم نے مزید لکھا ہے کہ ’’وزیر دفاع نے لکھا ہے کہ 2014 کے بعد سے پاکستان نے کوئی دہشت گردانہ حملہ نہیں کیا ہے؟ کیا وزیر دفاع ہندوستان کا نقشہ اٹھا کر بتا سکتی ہیں کہ پٹھان کوٹ اور اُری کہاں ہیں؟‘‘

قابل ذکر ہے کہ بی جے پی کے قومی اجلاس کے دوسرے دن یعنی ہفتہ کے روز سیتارمن نے دعویٰ کیا تھا کہ 2014 کے بعد سے کوئی بڑا دہشت گردانہ حملہ نہیں ہوا۔ انھوں نے کہا تھا کہ ’’ملک میں تباہی مچانے کی سبھی کوششوں کو سرحد پر ہی ختم کر دیا گیا ہے اور اس حکومت نے یقینی بنایا ہے  کہ دہشت گردوں کو امن ختم کرنے کا کوئی موقع نہ دیا جائے۔‘‘

واضح رہے کہ پٹھان کوٹ فضائیہ اڈہ پر حملہ 2 جنوری 2016 کو ہوا تھا۔ اس معاملے میں 7 جوان ہلاک ہوگئے   تھے۔ وہیں اُری حملہ بھی اسی سال 18 ستمبر کو  ہوا تھا جب بھاری اسلحوں سے لیس چار دہشت گردوں نے جموں و کشمیر کے شہر میں ہندوستانی فوج کے ہیڈ کوارٹر پر حملہ کیا تھا۔

ایک نظر اس پر بھی

الیکشن کمیشن کا حلف نامہ - گجرات میں راجیہ سبھا انتخابات قانون کے مطابق، کمزور پڑ رہی کانگریس 

گجرات میں راجیہ سبھا انتخابات کو لے کر کانگریس کی درخواست پر الیکشن کمیشن نے حلف نامہ داخل کیا ہے الیکشن کمیشن نے دو سیٹوں پر الگ الگ انتخابات کرانے کے اپنے فیصلے کو برقرار رکھا۔

بی ایس این ایل کی حالت خراب؛ ملازمین کو جون کی تنخواہ دینے کے لیے نہیں ہیں رقم

رکاری ٹیلی کام کمپنی بی ایس این ایل نے حکومت کو ایک خط  بھیجا ہے، جس میں کمپنی نے آپریشنز جاری رکھنے میں تقریبا نااہلی ظاہر کی ہے۔کمپنی نے کہا ہے کہ رقم میں  کمی کے سبب کمپنی کے ملازمین کو  جون ماہ کی تنخواہ  تقریبا 850 کروڑ روپے  دے پانا مشکل ہے۔کمپنی پر ابھی قریب 13 ہزار کروڑ ...