’الریاض‘ دہشت گردی کی سازش ناکام، داعشی سیل گرفتار،فورسز کے آپریشن میں 2 دہشت گرد ہلاک، 5 گرفتار

Source: S.O. News Service | By Shahid Mukhtesar | Published on 6th October 2017, 11:47 PM | خلیجی خبریں |

ریاض،6؍اکتوبر(ایس او نیوز؍آئی این ایس انڈیا)سعودی عرب کی اسٹیٹ سیکیورٹی پریزی ڈینسی کی جانب سے جاری کردہ ایک بیان میں دارالحکومت ’الریاض‘ میں دہشت گردی کی ایک خطرناک سازش ناکام بنانے کا دعویٰ کیا گیا ہے۔ سیکیورٹی پریزڈینسی کی جانب سے جاری کردہ بیان میں کہا گیا ہے یہ قانون نافذ کرنیوالے اداروں نے دارالحکومت الریاض میں خفیہ اطلاعات کی بنیاد پر ’داعش‘ سے وابستہ دہشت گردوں کے تین ٹھکانوں پر چھاپہ مارا۔ دہشت گردوں کی جانب سے جوابی فائرنگ بھی کی گئی تاہم آپریشن میں سعودی فورسز کا کوئی جانی نقصان نہیں ہوا۔ البتہ سیکیورٹی فورسز نے کارروائی کے دوران دو مشتبہ دہشت گردوں کو ہلاک اور 5 کو گرفتار کرلیا ہے۔دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کیا گیا ہے۔ ضبط شدہ اسلحے میں آتشیں اور کیمیائی مواد بھی شامل ہے جسے بم تیار کرنے کے لییاستعمال کیا جانا تھا۔بیان میں کہا گیا ہے کہ مشرقی الریاض مین الرمال کالونی میں ایک دہشت گرد نے خود کو دھماکے سے اڑا دیا۔ ایک اور جنگجو نے ہتھیار ڈالنے کے بجائے فورسز کے ساتھ مقابلہ کیا۔ جوابی فائرنگ میں وہ بھی ہلاک ہوگیا۔ادھر مغربی الریاض میں بھی سیکیورٹی فورسز نے ’داعش‘ کے ایک مشتبہ ٹھکانے پر چھاپہ مارا۔ جنوبی الریاض میں داعشی دہشت گردوں نیالغنامیہ کالونی میں گھوڑوں کے ایک اسطبل اپنے ٹھکانے کے طور پر استعمال رکھا تھا۔بیان میں سیکیورٹی پریزی ڈینسی کی طرف سے کہا گیا ہے کہ داعش کے ختم کیے گئے سیل میں یمنی اور سعودی شہریت رکھنے والے خود کش بمبار بھی شامل تھے۔ گرفتار دہشت گردوں کے قبضے سے بھاری مقدار میں دیسی ساختہ بارود اور دھماکہ خیز مواد برآمد کیا گیا۔ حکام کا کہنا ہے کہ داعش سے وابستہ یہ سیل سعودی عرب میں مختلف حساس تنصیبات اور اہم شخصیات پر حملوں کی منصوبہ بندی کررہا تھا۔

ایک نظر اس پر بھی

ایرانیوں کا پیغام واضح ہے، وہ نظام کی تبدیلی چاہتے ہیں : شہزادہ رضا پہلوی

سابق شاہ ایران کے بیٹے شہزادہ رضا پہلوی نے ایران میں مظاہروں کی اہمیت پر زور دیتے ہوئے باور کرایا ہے کہ ایرانی عوام 40 برس تک مذہبی آمریت کے نظام کے تحت زندگی گزارنے کے بعد اس بات پر قائل ہو چکے ہیں کہ اس نظام کی اصلاح ممکن نہیں۔

اب سو فیصد ڈیجیٹل حج؛ آن لائن اور ایپ کے ذریعے3.60 لاکھ درخواستیں موصول؛ سعودی میں مرکزی وزیر مختار عباس نقوی کا بیان

امسال سے حج سو فی صد  دیجٹل  ہوگا اور لوگوں کے ابآن لائن اور موبائل ایپ کے ذریعے درخواستیں موصول کئے جارہے ہیں، اب تک  آن لائن  اور موبائیل ایپ کے ذریعہ تین لاکھ  60 ہزار درخواستیں  حج کمیٹی کو موصول ہوچکی  ہیں۔  ہمارا حج کوٹہ پچھلے سال کی طرح امسال بھی پرایویٹ ٹور اپریٹرس ...