ٹیسٹ کرکٹ کی 141سالہ تاریخ میں پہلی مرتبہ گیند پھینکے بغیر بن گیا ریکارڈ

Source: S.O. News Service | By Shahid Mukhtesar | Published on 13th May 2018, 12:47 PM | اسپورٹس |

ڈبلن ،12؍مئی (ایس او نیوز؍ آئی این ایس انڈیا ) پاکستان اور آئیر لینڈ کے درمیان پہلے ٹیسٹ کے پہلے دن بارش کی وجہ سے کھیل نہیں ہوسکا ۔ پہلے دن کوئی گیند پھینکے بغیر کھیل رد کردیا گیا۔ اس کے ساتھ ہی آئیر لینڈ کی ٹیم ٹیسٹ کرکٹ کی 141سالہ تاریخ میں پہلی ایسی ٹیم بن گئی ، جس کے پہلے ٹیسٹ کے پہلے دن ایک بھی گیند نہیں پھینکی گئی۔آئیر لینڈ کے کرکٹ شائقین کو 11 مئی کا بے صبری سے انتظار تھا۔ آئی سی سی سے 1993 سے ایسوسی ایٹ ممبر کا درجہ ملنے کے بعد آئیر لینڈ ٹیسٹ میچ کھیلنے والی دنیا کی گیارہوں ٹیم ہے۔ 2006 میں پہلا یک روزہ میچ کھیلنے والی آئیر لینڈ کی ٹیم ٹیسٹ کرکٹ میں مقابلہ کیلئے پوری طرح سے تیار تھی ، لیکن پہلے دن بارش نے اس کی امیدوں پر پانی پھیر دیا۔ڈبلن کے ملاہیدے گراونڈ پر میزبان آئیر لینڈ کو پاکستان کے خلاف اپنے تاریخی ٹیسٹ کی شروعات کرنی تھی ، لیکن مسلسل بارش کی وجہ سے کھیل نہیں ہوسکا۔ بارش کے درمیان امپائر نائیجل لانگ اور ریچرڈ النگورتھ نے صبح تقریبا 11 بجے سے لے کر دوپہر تین بجے تک تین مرتبہ میدان کا جائزہ لیا اور پھر اس کے بعد کھیل کر رد کردیا گیا۔ امپائر کے فیصلہ کے ساتھ ہی آئیر لینڈ پہلی ایسی ٹیم بن گئی ، جس کے پہلے ٹیسٹ کا پہلا دن بارش کی نذر ہوگیا ۔ جمعہ کو بارش پورے دن ہوتی رہی ، جس کی وجہ سے ٹاس بھی نہیں ہوسکا۔

ایک نظر اس پر بھی

خلیل احمد ہوئے ٹیم انڈیا میں شامل، کیا ظہیرخان کی کمی پوری کرے گا یہ تیز بائولر ؟

راجستھان کے ٹونک ضلع کے 20 سال کے لیفٹ آرم اسپنرخلیل احمد نے ایشیا کپ 2018 میں ہانگ کانگ کے خلاف میچ کے ساتھ ہی ٹیم انڈیا کی طرف سے ڈیبیوکیا ہے۔ انہیں روہت شرما نے کیپ سونپی۔ اس ٹورنامنٹ میں مستقل کپتان وراٹ کوہلی کوآرام دیا گیا ہے، لہٰذا روہت شرما 16 رکنی ٹیم کی کمان سنبھال رہے ...

درونہ چاریہ ایوارڈ کے لئے وجے شرما اورتارک سنہا کے نام کی سفارش

ہندوستانی خاتون ویٹ لفٹرمیر ابائی چانو کے کوچ وجے شرما اور تجربہ کار کرکٹ کوچ تارک سنہا کا نام درونہ چاریہ ایوارڈ کے لئے بھیجا گیا ہے۔ ان دونوں کے علاوہ پانچ مزید لوگوں کے نام بھی اس ایوارڈ کے لئے سلیکشن کمیٹی کو بھیجے گئے ہیں۔

بی سی سی آئی نے اے سی سی سے کہا، براڈکاسٹر انتخاب کا فیصلہ نہیں کر سکتے

ہندوستانی کپتان وراٹ کوہلی کی ایشیا کپ میں غیر موجودگی کو لے کر بی سی سی آئی اور ایشیا کرکٹ کونسل (اے سی سی) میں تصادم کی صورتحال کھڑی ہو گئی ہے کیونکہ براڈکاسٹر اسٹار نے اس فیصلے پر ناراضگی کا اظہار کیا ہے۔

ہندوستان کو شکست دینے کے لئے بہترین کھیل کا مظاہرہ کرنا ہوگا: سرفراز احمد

ہانگ کانگ کے خلاف یکطرفہ جیت سے پاکستان نے ایشیا کپ میں شاندار آغاز کیا ہے لیکن ٹیم کے کپتان سرفراز احمد نے کہا کہ ان کی ٹیم کو اگر ایشیا کپ میں حریف ٹیم ہندوستان کو ہرانا ہے تو اسے بہتر کھیل کا نمونہ پیش کرنا ہوگا۔

تھکاوٹ کے بعد چین اوپن کا خطاب جیتنے اتریں گے سندھو اور سری کانت

ہندوستانی عظیم بیڈمنٹن کھلاڑی پی وی سندھو کواگر بین الاقوامی سرکٹ میں اپنی مسلسل اچھی کارکردگی کو جاری رکھنا ہے اور منگل سے یہاں شروع ہو رہے چین اوپن کے خطاب کو دوبارہ جیتنا ہے تو تھکاوٹ پر قابو پانے کا طریقہ ڈھونڈناہوگا۔