مقتدیٰ الصدر نے مظاہرین کی حمایت کردی ،نئی حکومت کی تشکیل مُوَخَّر کرنے کا مطالبہ

Source: S.O. News Service | By Shahid Mukhtesar | Published on 21st July 2018, 12:04 PM | عالمی خبریں |

بغداد 21جولائی ( ایس او نیوز؍آئی این ایس انڈیا ) عراق کے سرکردہ شیعہ لیڈر مقتدیٰ الصدر نے ملک کے جنوبی صوبوں میں احتجاج کرنے والے مظاہرین کی حمایت کردی ہے او ر تمام متعلقہ سیاست دانوں پر زور دیا ہے کہ وہ مظاہرین کے بہتری شہری خدما ت کی فراہمی کے مطالبات پورے ہونے تک نئی حکومت کی تشکیل کے لیے مذاکرات کا سلسلہ معطل کردیں ۔

عراق کے جنوبی شہروں میں جاری احتجاجی مظاہروں کے بعد مقتدیٰ الصدر کی جانب سے یہ پہلا ردعمل سامنے آیا ہے۔انھوں نے جمعرات کو ایک ٹویٹ میں کہا ہے کہ ’’ حالیہ انتخابات میں کامیابی حاصل کرنے والے تمام سیاسی بلاکوں کو نئے اتحادوں کی تشکیل اور دوسرے امور کے لیے سیاسی بات چیت اس وقت تک معطل کردینی چاہیے جب تک مظاہرین کے تما م جائز مطالبات پورے نہیں ہوجاتے‘‘۔

وزیراعظم حیدر العبادی کی قیادت میں عراق کی مرکزی حکومت جنوبی شہروں میں ہونے والے مظاہروں پر قابو پانے کے لیے کوشاں ہے لیکن وہ ابھی تک اس میں ناکام دکھائی دے رہی ہے۔جنوبی شہر بصرہ میں 8 جولائی کو بہترشہری خدمات اور روز گار کی عدم دستیابی کے خلاف احتجاجی مظاہرے شروع ہوئے تھے جو دیکھتے ہی دیکھتے دوسرے شہروں تک بھی پھیل گئے ۔ انھوں نے اب متشدد بلووں کا رُخ اختیار کر لیا ہے اور ان میں گذشتہ گیارہ روز کے دوران میں آٹھ افراد ہلاک اور ساٹھ سے زیادہ زخمی ہوچکے ہیں۔

بصر ہ اور اس کے نواحی علاقوں کے مکین گذشتہ ہفتے عشرے سے روزگار ، بجلی ، پانی اور دوسری بنیادی خدمات کی عدم دستیابی کے خلاف احتجاج کررہے ہیں ۔ان کے ان مطالبات کو تسلیم کرنے کے بجائے پڑوسی ملک ایران نے بصرہ کو بجلی مہیا کرنا بند کردی تھی۔عراقی حکومت ان مطالبات کو جائز قرار دیتی ہے لیکن اس نے ابھی تک ان کے حل کے لیے کوئی ٹھوس اقدامات نہیں کیے ہیں۔

 

ایک نظر اس پر بھی

پاکستان جب تک دہشت گردی کے خلاف مؤثرکاروائی نہیں کرتا، ایئر اسٹرائک جیسے قدم اٹھاتے رہیں گے: وزارت دفاع

وزارت دفاع نے دو ٹوک کہا ہے کہ جب تک پاکستان دہشت گرد گروپوں کے خلاف قابل اعتماد کارروائی نہیں کرتا، تب تک ہندوستان اپنی قومی سلامتی کو یقینی بنانے کے لئے سخت اقدامات اٹھاتا رہے گا۔

2008 ممبئی حملے کا ماسٹر مائنڈ حافظ سعید گرفتار

  ممبئی دہشت گردانہ  حملے کے ماسٹرمائنڈ اور تنظیم جماعت الدعوۃ (جےیوڈی) کے چیف حافظ سعید کو Counter Terrorism Department (سی ٹی ڈی) نے پاکستان کے پنجاب  سے بدھ کو گرفتار کر لیا۔افسروں نے بتایا کہ سعید سی ٹی ڈی میں پیش ہونے کے لئے لاہور سے گجرانوالا آیا تھا، تبھی اس کو گرفتار کر لیا گیا۔ اس کے ...

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...

سری لنکا چرچ بم بلاسٹ میں ڈرگ مافیاکا ہاتھ ہے۔ صدر سیری سینا کا بیان

انگریزی اخبار دی نیو انڈین ایکسپریس میں شائع ایک رپورٹ کے مطابق سری لنکا کے صدر مائتھری پالا سیری سینا نے کہا ہے کہ عیسائی تہوار ایسٹر کے موقع پر چرچ کے اندر جو ہولناک بم دھماکے ہوئے تھے اس کے پیچھے بین الاقوامی ڈرگ مافیاکاہاتھ ہے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...