ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

Source: S.O. News Service | By Shahid Mukhtesar | Published on 31st December 2018, 12:48 PM | عالمی خبریں |

برلن31دسمبر ( ایس او نیوز؍آئی این ایس انڈیا )جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ٹویٹر اکاؤنٹ کے حقیقی ہونے اور لاریجانی سے متعلق ہونے کی تردید کی ہے تاہم ایرانی حکومت کے اکثر عہدے داران Break Proxy پروگرام کے ذریعے ٹوئیٹر استعمال کر رہے ہیں۔

جرمنی میں امریکی سفیر نے اپنی ٹویٹ میں کہا ہے کہ ایرانی حکومت ٹوئیٹر استعمال کر رہی ہے مگر ایرانی عوام ایسا نہیں کر سکتے۔دسمبر 2017 میں بھڑکنے والے عوامی احتجاج کے بعد سے ایران میں سوشل میڈیا پر کڑی نگرانی نافذ کر دی گئی ہے۔ایران میں شہری دفاع کی تنظیم کے سربراہ غلام رضا جلالی پور کا کہنا تھا کہ "ایران کو اس وقت سوشل میڈیا ویب سائٹس اور ایپلی کیشنز کی صورت میں مرکب خطرات کا سامنا ہے۔ انہوں نے کہا کہ یہ ثقافتی، سیاسی، سکیورٹی اور اقتصادی میدانوں میں ایران کے خلاف نفسیاتی جنگ کے آلات ہیں۔ سوشل میڈیا کا پیچیدہ خطرہ ہماری اولین ترجیح ہے اور ہم اس سے قومی سلامتی کے لیے خطرے کے طور پر نمٹ رہے ہیں۔امریکا کی حالیہ پابندیوں میں ایران کی سائبر سکیورٹی سپریم کونسل کے سربراہ ابو الحسن فیروز آبادی، سائبر کرائمز کی تحقیقاتی کمیٹی کے سربراہ عبدالصمد خرم آبادی اور ریڈیو اینڈ ٹیلی ویژن کارپوریشن کے صدر عبد علی عسکری سمیت دیگر ایرانی عہدے داران کو شامل کیا گیا ہے کیوں کہ ان لوگوں نے انسانی حقوق کی خلاف ورزیوں ، انٹرنیٹ پر کڑی نگرانی لاگو کرنے اور ویب سائٹس بلاک کرنے، پر امن کارکنان کی نگرانی اور حالیہ احتجاجی مظاہروں کو کچلنے میں اپنا کردار ادا کیا۔ایران کے اندر کارکنان اور احتجاج کنندگان کی آواز کو بیرونی دنیا تک پہنچنے سے روکنے کے واسطے ایرانی حکام غیر ملکی ایپلی کیشنز کو ایران کی تیار کردہ مقامی ایپلی کیشنز سے تبدیل بھی کر رہے ہیں۔ تاہم ارکان پارلیمنٹ اور کارکنان نے اس اقدام پر سخت احتجاج کیا کیوں کہ ان کے نزدیک ایرانی شہری مقامی ایپلی کیشنز پر انٹیلی جنس اداروں اور پاسداران انقلاب کے کنٹرول کے سبب ان پر اعتماد نہیں کر رہے۔اگرچہ ایرانی حکام نے سوشل میڈیا ایپلی کیشن ٹیلی گرام پر پابندی عائد کی ہوئی ہے تاہم اب بھی 79% ایرانی صارفین نے Break Proxy پروگرام کے ذریعے اس کا استعمال جاری رکھا ہوا ہے۔ یہ بات ایرانی طلبہ کے سروے مرکز (ISPA) کی جانب سے ایک سروے میں بتائی گئی ہے ۔ 

ایک نظر اس پر بھی

2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

 امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی ...

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔