ایرانی عازمینِ حج کی پہلی کھیپ مدینہ منورہ پہنچ گئی

Source: S.O. News Service | Published on 31st July 2017, 5:30 PM | خلیجی خبریں |

مدینہ،31جولائی(ایس او نیوز/آئی این ایس انڈیا)رواں سال فریضہ حج ادا کرنے کے لیے ایرانی عازمین کا پہلا گروپ مدینہ منورہ کے پرنس محمد بن عبدالعزیز ہوائی اڈے پہنچ گیا۔ایرانی شہری ہوا بازی کی تنظیم کے مطابق پہلی پرواز اتوار کی صبح ”ایران ایئر“کے ذریعے بندر عباس کے ہوائی اڈے سے روانہ ہوئی۔ اس روز مجموعی طور پر ایرانیوں عازمین کو لانے والی تین پروازیں مدینہ منورہ پہنچیں۔ایرانی سرکاری خبر رساں ایجنسی کے مطابق رواں سال ایرانی عازمین حج کی تعداد 86500ہوگی۔ یہ افراد 600قافلوں کے تحت حجاز مقدس پہنچیں گے۔
مدینہ منورہ پہنچنے والے ایرانی عازمین حج کا کہنا تھا کہ سعودی ذمے داران نے مدینہ کے ہوائی اڈے پر اچھے طریقے سے ان کا استقبال کیا۔ ایرانی عازمین کے مطابق سعودی اور ایرانی عوام دوست ہیں۔بعض دیگر عازمین کے مطابق وہ پوری آسانی اور سہولت کے ساتھ مدینہ کے ہوائی اڈے پہنچے اور انہوں نے اللہ کا شکر ادا کیا کہ یہاں ایران کے حجاج کی شان دار طریقے سے دیکھ بھال کی گئی۔ ایرانی عازمین کا کہنا تھا کہ ہم فریضہ حج ادا کرنے ایران سے آئے ہیں اور اللہ کے حکم سے فریضہ ادا کرنے کے بعد سلامتی کے ساتھ واپس ایران لوٹیں گے۔
 

ایک نظر اس پر بھی

قطر میں بھٹکل مسلم جماعت کی خوبصورت عید ملن تقریب

بھٹکل مسلم جماعت کی طرف سے حسب سابق۲ شوال  مطابق ١١ اپریل  بروز جمعرات قطر کے مختلف علاقوں میں رہائش پذیر بھٹکلی احباب کے لئے عید ملن کے نام سے ایک گیٹ ٹوگیدر تقریب کا اہتمام کیا گیا جس میں بچوں نے اپنی گوناگو صلاحیتوں کا مظاہرہ پیش کرتے ہوئے شریک حاضرین سے داد و تحسین حاصل ...

متحدہ عرب امارات میں شدید بارش؛ نظام زندگی مفلوج، عمان میں 18 افراد جاں بحق

  متحدہ عرب امارات (یو اے ای) اور اس کے گردونواح میں منگل کو طوفانی بارش ہوئی۔ صورتحال ایسی ہو گئی کہ متحدہ عرب امارات میں ہر طرف پانی ہی پانی نظر آیا۔ سیلاب کے باعث کئی شہر جام ہو گئے۔ وہیں، پڑوسی ملک عمان میں شدید بارشوں سے آنے والے سیلاب کے باعث 18 افراد ہلاک ہو چکے ہیں۔

عمان میں سیلاب سے تباہی، 13 افراد جاں بحق، لاپتہ لوگوں کی تلاش جاری

مشرق وسطیٰ کے شہر عمان میں اس وقت سیلاب نے زبردست تباہی مچا رکھی ہے۔ اتوار سے ہی عمان میں سیلاب کا قہر دیکھنے کو مل رہا ہے اور پیر کے روز بھی موسلادھار بارش کی خبریں سامنے آ رہی ہیں۔ موصولہ اطلاع کے مطابق اب تک اس سیلاب نے 13 لوگوں کی جان لے لی ہے اور کئی دیگر لاپتہ ہیں جن کی تلاش ...

سعودی عربیہ میں روڈ ایکسڈینٹ کے کیس میں پھنسا ہے بھٹکل کا ایک نوجوان؛ بھٹکل کمیونٹی جدہ اور بھٹکل مسلم خلیج کونسل سے مدد کی اپیل

  بھٹکل بیلنی کا ایک  28 سالہ نوجوان محمد خالد ابن محمد جعفر گذشتہ چار سال سے   سعودی عربیہ کے   تيماء  میں معمولی  روڈ ایکسیڈنٹ کے   ایک کیس میں بری طرح پھنس گیا ہے اور عدالت نے اُس پر 34500 ریال (قریب سات لاکھ ہندوستانی رقم ) کا جرمانہ عائد کیا ہے۔ نوجوان کا کہنا ہے کہ اُس کی ...

سعودی عربیہ میں اندوہناک سڑک حادثہ؛ کرناٹک کے تین لوگ جاں بحق، بھٹکل کے قریب منڈگوڈ سے تھا تعلق

ریاست کرناٹک کے ضلع اُترکنڑا کے منڈگوڈ سے تعلق رکھنے والے ایک ہی خاندان کے تین افراد سعودی عربیہ میں عمرہ کی ادائیگی کے دوران اُس وقت جاں بحق ہوگئے جب سڑک پر تیز رفتاری کے ساتھ دوڑتی ہوئی ایک لینڈ کروزرجس پر یہ لوگ سوار تھے ، کا ایک پہیہ اچانک پنکچر ہوگیا اور گاڑی بے قابو ہوکر ...