ناصر جنجوعہ کی ایران میں سیکریٹری قومی سلامتی کونسل سے ملاقات

Source: S.O. News Service | By Shahid Mukhtesar | Published on 8th January 2018, 4:25 PM | عالمی خبریں |

تہران ،8؍جنوری (ایس او نیوز؍ آئی این ایس انڈیا )مشیر قومی سلامتی لیفٹیننٹ جنرل ناصرجنجوعہ کا کہنا ہے کہ مسلم ممالک کیخلاف غیر ملکی سازشوں کے جواب میں مسلم ممالک کو اپنی صلاحیتیں بڑھانی چاہئیں۔ناصر جنجوعہ کی تہران میں ایرانی قومی سلامتی کونسل کے سیکریٹری علی شمخانی سے ملاقات ہوئی، ناصر جنجوعہ نے دونوں ممالک کے درمیان سیکورٹی اور معاشی تعاون بڑھانے کے عزم کا اظہار کیا۔علی شمخانی کا کہنا تھا کہ امریکا کی ایران اور پاکستان کے خلاف پالیسی دوغلی اور تقسیم کرنے و الی ہے ، ہمیں امریکا کے خلاف تعاون بڑھانا چاہیے۔موصوف کا یہ بھی کہنا تھاکہ عالم اسلام میں مکمل اتحاد کو فروغ دینے کی بھی ضرورت ہے ؛ کیونکہ عالمِ اسلام اس وقت داخلی و خارجی سازشوں کے مہیب سایے میں ہے اور اس کا حل صرف عالمِ اسلام کے اتحاد میں ہی مضمر ہے ؛ لہٰذا تمام ممالک اسلامیہ کے سربراہان کو اس سلسلے میں غور و فکر اور تدبر سے کام لینا چاہیے تاکہ وقت رہتے ہوئے ممکنہ خطرات سے نمٹا جائے ۔

ایک نظر اس پر بھی

عمران خان کے خط کے بعد اب ہند۔ پاک کے وزراء خارجہ کی نیویارک میں ہوگی میٹنگ

 ہندوستان اور پاکستان کے وزراء خارجہ کے درمیان نیویارک میں اقوام متحدہ کی جنرل اسمبلی کے دوران الگ سے ملاقات ہوگی۔ وزارت خارجہ کے ترجمان رویش کمار نے آج یہاں پریس کانفرنس میں یہ اطلاع دیتے ہوئے بتایا کہ میٹنگ کی تاریخ اور وقت دونوں فریقوں کے درمیان باہمی رضامندي سے بعد میں طے ...

مذہبی تہوار کی آڑ میں ہزاروں یہودیوں کی قبلہ اول میں آمد ورفت جاری

شر پسندیہودی آباد کاروں کی جانب سے قبلہ اول کی بے حرمتی کا سلسلہ جاری ہے۔ مذہبی تہوار ’عید کپور‘ کی مناسبت سے ہزاروں یہودی صبح وشام قبلہ اول میں داخل ہو کر اشتعال انگیز حرکات اورتلمودی تعلیمات کے مطابق مذہبی رسومات ادا کررہے ہیں۔

اسرائیلی ریاستی دہشت گردی، 24 گھنٹے میں 6 فلسطینی شہید

قابض صہیونی فوج نے فلسطین میں ریاستی دہشت گردی کا مظاہرہ کرتے ہوئے گذشتہ چوبیس گھنٹوں کے دوران چھ فلسطینیوں کو بے رحمی کے ساتھ شہید کر دیا۔ شہداء کا تعلق غزہ، غرب اردن اور بیت المقدس سے ہے۔اطلاعات کے مطابق دو فلسطینی کو غزہ کی پٹی میں جنگی طیاروں کے ذریعے بم باری کرکے شہید کیا ...

میانمار کی رہنما آنگ سان سوچی کے خلاف ’فیس بُک پوسٹ ‘ کرنا پڑ گیا کالم نگار کو مہنگا؛ سات سال کی سزا؛ اظہار رائے کی آزادی پر اُٹھ گئے سوال

ایک وقت تھا جب آنگ سانگ سوچی میانمار میں جمہوریت اور آزدای ٔ اظہار کیلئے مہم چلا کر وہاں کے فوجی آمروں کے خلاف عوام کو کھڑا کیا تھا اور اب حال یہ ہے کہ میانمار میں ہر طرح سے ان لوگوں کے خلاف کارروائی کی جا رہی ہے جو انصاف اور جمہوریت پسند ہیں۔ روہنگیائیوں کے خلاف ہونے والی ...