جے پور،29؍اپریل(ایجنسی)  سن رائزرس حیدرآباد نے آج راجستھان رائلس کو 11 رنوں سے شکست دے دی۔ سن رائزرس حیدر آباد کے 152 رنوں کے ہدف کا تعاقب کرنے اتری راجستھان رائلس کی  ٹیم کپتان اجنکیا رہانے کی ناٹ آئوٹ 65 رنوں کی اننگ کے باوجود 20 اوور میں 6 وکٹ  پر 140 رن بناسکی، جس کے بعد اسے 11رنوں سے شکست کا سامنا کرنا پڑا۔

آئی پی ایل میں سن رائزرس حیدرآباد نے آج راجستھان رائلس کو 11 رنوں سے شکست دے دی۔ باد اور راجستھان رائلس کے درمیان ہوا۔ ٹاس جیت کر پہلے بلے بازی کرنے اتری حیدر آباد نے 20 اوور میں 7 وکٹ پر 151 رن بنائے۔ حیدرآباد کی طرف سے کپتان کین ولیمسن 63 اور ایلیکس ہیلس 45 نے شاندار اننگ کھیلی۔

راجستھان رائلس کی طرف سے جوفرا آرچر نے تین وکٹ حاصل کئے۔ شکبیب الحسن (6 )  یوسف پٹھان (2) اور راشد خان ایک کے وکٹ لئے۔ کرشنپا گوتم نے دو وکٹ لئے۔ گوتم نے شکھر دھون اور ایلکس ہیلس کو پویلین بھیجا۔ وہیں ایش سودھی نے کپتان ویلیمسن کو آئوٹ کیا اور جے دیو انادکٹ نے منیش پانڈے کو کیچ آئوٹ کرایا۔ اس طرح سے راجستھان رائلس کو اپنے گھر میں دوسری بار شکست کا سامنا کرنا پڑا۔

اس جیت کے ساتھ ہی حیدرآباد پوائنٹ ٹیبل پر سب سے اعلیٰ مقام پر پہنچ گئی ہے۔ وہ 6 میچوں میں جیت کے ساتھ 12 پوائنٹ لے کر سب سے اوپر ہے۔

حیدرآباد کے 151 رنوں کے جواب میں راجستھان رائلس 6 وکٹ پر 140 رن ہی بناسکی تھی۔ راجستھان کی طرف سے اجنکیا رہانے کے علاوہ سنجو سیمسون نے 40 رن بنائے۔ اس کے علاوہ کوئی دوسرا بلے باز قابل ذکر کارکردگی کامظاہرہ نہیں کرسکا۔ راہل ترپارٹھی صرف 4 رن بناسکے جبکہ بین اسٹاکس صفر پر آئوٹ ہوئے۔ جوس بٹلر نے 10 رن ، مہیپال لومرور نے 11 رن، کرشنپا نے 8 اور جوفرا آرچر نے ایک رن بنائے۔ سن رائزرس حیدرآباد کی طرف سے سدھارتھ کول نے دو وکٹ لئے جبکہ سندیپ شرما، راشد خان، باسل تھامپی اور یوسف پٹھان نے ایک ایک وکٹ حاصل کئے۔

اس سے قبل  آج تین کھلاڑیوں نے آئی پی ایل میں اپنا پہلا میچ کھیلا۔ پہلے ہیں ایلکس ہیلس، حیدرآباد نے ٹیم میں ایک تبدیلی کی۔ محمد نبی کی جگہ ہیلس کو شامل کیا۔ وہیں راجستھان کی طرف سےسے ایشا سودھی اور مہیپال لومرور ڈیبیو نے ڈیبیو کیا۔