نئی دہلی، یکم مئی (ایجنسی) آئی پی ایل 2018 کے ایک مقابلہ میں چنئی سوپرکنگس نے کپتان دھونی کی طوفانی نصف سنچری کی بدولت دہلی ڈیئر ڈیولس کو 13 رنوں سے ہرادیا ہے۔ چنئی سوپرکنگس نے ٹاس ہارنے کے بعد کپتان دھونی کی طوفانی اننگز اور سلامی بلے باز شین واٹسن کی نصف سنچری کی بدولت دہلی ڈئیر ڈیولس کو جیت کیلئے 212 رنوں کا ہمالیائی ہدف دیا ، جس کے جواب میں دہلی ڈیئر ڈیولس پانچ وکٹ کے نقصان پر 198 رن ہی بناسکی ۔

سلامی بلے باز شین واٹسن اور فاف ڈوپلیسی نے چنئی کو شاندار شروعات دلائی ہے اوری تیزرفتاری سے رن بنائے۔ دونوں کےد رمیان 102 رنوں کی بڑی شراکت داری ہوئی ۔ چنئی کی طرف سے شین واٹسن نے 78 رن ، ڈوپلیسس نے 33 رن ، رینا نے ایک رن ، رائیڈو نے 41 رن اور کپتان دھونی نے طوفانی اننگز کھیلتے ہوئے پانچ چھکوں کی مدد سے صرف 22 گیندوں پر 51 رن بنائے ۔ دہلی کی طرف سے امت مشرا ، وجے شنکر اور میکسویل نے ایک ایک کھلاڑی کو آوٹ کیا ۔

دہلی کی طرف سے پرتھوی شاہ نے 9 ، منرو نے 26 ، ایئر نے 13 ، پنت نے 79، میکسویل نے 6 ، وجے شنکر نے 54 اور تیوتیا نے تین رن بنائے ۔ چنئی کی طرف سے نگڈی نے ایک ، کے ایم آصف نے دو ، جڈیجہ نے ایک کھلاڑی کو آوٹ کیا۔