آئی پی ایل: گجرات۔مہاراشٹر میں یوپی پولیس کی چھاپہ ماری، چوتھے مشتبہ کی تلاش

Source: S.O. News Service | By Shahid Mukhtesar | Published on 14th May 2017, 11:53 AM | اسپورٹس |

نئی دہلی،13؍مئی(ایس او نیوز؍آئی این ایس انڈیا)انڈین پریمیئر لیگ یعنی آئی پی ایل کے سیشن10 میں فکسنگ کے الزام میں گرفتار کئے گئے مہاراشٹر کے انڈر19 کھلاڑی نین شاہ سے پوچھ تاچھ کے دوران کئی اہم انکشافات ہو سکتے ہیں۔ اس دوران ایک چوتھے شخص کے بارے میں بھی پتہ چلا ہے جو کھلاڑیوں اور نین کے درمیان ربط ہو سکتا ہے، ابھی تک اس معاملے میں نین سمیت تین افراد گرفتار کئے جا چکے ہیں۔آئی پی ایل فکسنگ کی تحقیقات کے دوران ایک ہسپتال کی سی سی ٹی وی فوٹیج میں نین شاہ کے ساتھ ایک چوتھا شخص دکھائی دے رہا ہے۔ ہسپتال کے حکام اس بارے میں کچھ نہیں جانتے، لہذا اس چوتھے شخص کی شناخت کرنے کی کوشش کی جا رہی ہے۔تحقیقات میں جس بنٹی کھنڈیلوال کے نام کا انکشاف ہوا ہے، اسے آخری مرتبہ راجستھان میں سوائی مادھوپور میں دیکھا گیا تھا، اس کے بعد سے اس کا پتہ نہیں چل پایا ہے۔ بنٹی کھنڈیلوال کے لئے لک آؤٹ نوٹس جاری کیا گیا ہے، تمام ہوائی اڈوں کو بھی اس کے بارے میں الرٹ کر دیا گیا ہے۔پولیس نے اس معاملے میں پیر کے دن نین کو ریمانڈ پر لے گی۔ اس کے پاس اس معاملے کی اہم معلومات ہیں، لہذا اس سے پوچھ گچھ کی جائے گی۔ کانپور پولیس نے اس معاملے میں مجموعی طور پر آٹھ ٹیمیں بنائی ہیں۔کانپور پولیس اس معاملے میں ہر قدم پھونک پھونک کر رکھ رہی ہے۔ اس کیس میں پولیس زیادہ سے زیادہ ثبوت جمع کر رہی ہے۔ آنے والے دنوں میں دو دیگر کھلاڑیوں سے بھی پوچھ گچھ کی جا سکتی ہے۔

غور طلب ہے کہ نین شاہ نے اعتراف کیا ہے کہ اس کے سٹی بازوں سے رشتے رہے ہیں اور وہ میچ کے نتائج کو متاثر کرنے کے لئے پچ سے چھیڑ چھاڑ کرواتا تھا۔ نین شاہ نے پولیس کو بتایا کہ تمام آئی پی ایل میچوں کے لئے اس نے بڑے سٹی بازوں سے کانٹریکٹ لیا تھا۔

ایک نظر اس پر بھی

ہندوستان نے مسلسل نویں سیریز جیتی، عالمی ریکارڈ کی برابری کی

سری لنکا نے دھننجے ڈيسلوا (119 ریٹائرڈ ہرٹ) کی ذمہ دارانہ اننگز کی بدولت ہندوستان کے خلاف دوسرا اور آخری کرکٹ ٹسٹ بدھ کو یہاں ڈرا کرا لیا جبکہ دنیا کی نمبر ایک ٹیم ہندوستان نے مسلسل نویں ٹسٹ سیریز جیتنے کے ساتھ عالمی ریکارڈ کی برابری کر لی۔

ایڈیلیڈ میں آسٹریلیا 120رنز سے فاتح، ایشز سیریز میں دو صفر کی برتری

دوسری اننگز میں جیت کے لیے انگلینڈ کو 354رنز کا ہدف درکار تھا تاہم جو روٹ کی ٹیم صرف 233رنز بنا کر آؤٹ ہوگئی۔ آسٹریلیا کی جانب سے مچل اسٹارک نے پانچ، ہیزل وڈ اور لیون نے دو دو جبکہ پال کمنگز نے ایک وکٹ حاصل کی۔

ہندوستان نے دوسرے ٹیسٹ میں سری لنکا کو ایک اننگ اور 239 رنوں سے شکست دی

اسپنروں اور تیز گیندبازوں کے شاندار کھیل کی بدولت ہندستان نے سری لنکا کی ٹیم کو دوسرے کرکٹ ٹیسٹ میچ کے چوتھے دن ہی لنچ سے تھوڑی دیر بعد 166 رن کے معمولی اسکور پر آؤٹ کرکے میچ ایک باری اور 239 رنوں سے جیت لیا

ہندوستان اور سری لنکا کے درمیان پہلا ٹیسٹ میچ ڈرا

ہندوستان اور سری لنکا کے درمیان تین ٹیسٹ میچوں کی سیریز کا پہلا ٹیسٹ بغیر کسی نتیجے کے اختتام پذیر ہوگیا، آخری روز سری لنکا کی ٹیم 231 رنز کے تعاقب میں سات وکٹوں کے نقصان پر 75 رنز بنا سکی اور کم روشنی کی وجہ سے میچ مقررہ وقت سے پہلے ختم کر دیا گیا جس کی بدولت سری لنکا یقینی شکست سے ...