دہلی میں میونسپل انتخابات سے آئی پی ایل 2017 میچوں کے پروگرام میں تبدیلی
نئی دہلی،20؍مارچ(ایس او نیوز؍آئی این ایس انڈیا)دہلی میں اگلے ماہ ہونے والے میونسپل کارپوریشن انتخابات کی وجہ سے انڈین پریمیئر لیگ 2107 میں کھیلے جانے والے کچھ میچوں کے وقت میں تبدیلی کی گئی ہے۔ ہندوستانی کرکٹ کنٹرول بورڈ (بی سی سی آئی) نے پیر کو اس کی اطلاع دی۔ بی سی سی آئی نے اپنے ایک بیان میں کہا کہ دہلی میں 22 اپریل کو کارپوریشن کے انتخابات ہوں گے اور اس وجہ سے اس دن ہونے والے میچوں کے وقت میں تبدیلی کی گئی ہے۔ آئی پی ایل کے 10 ویں ایڈیشن میں 22 اپریل کو دو میچ ہونے ہیں۔ پہلا میچ دہلی ڈیر ڈیولس اور ممبئی انڈینس کے درمیان دہلی میں چار بجے سے کھیلا جانا تھا، لیکن اب یہ میچ دہلی کی جگہ ممبئی میں رات آٹھ بجے کھیلا جائے گا۔اس کے علاوہ، 22اپریل کو ہی دوسرا میچ رائزنگ پونے سپرجاٹس اور سن رائزرس حیدرآباد کے درمیان پونے میں رات آٹھ بجے کھیلا جانا تھا لیکن اب یہ میچ آٹھ بجے کے مقام پر دن میں چار بجے سے کھیلا جائے گا۔بی سی سی آئی نے کہا کہ دہلی اور ممبئی کے درمیان چھ مئی کو ممبئی میں کھیلے جانے والا میچ اسی دن دہلی میں رات آٹھ بجے کھیلا جائے گا۔ آئی پی ایل کے 10 ویں ایڈیشن کا انعقاد کے آغاز پانچ اپریل سے ہو رہا ہے۔
انڈین پریمیئر لیگ (آئی پی ایل) 2017 کے طے شدہ پروگرام کے تحت آئی پی ایل کا پہلا میچ پانچ اپریل کو حیدرآباد کے راجیو گاندھی انٹرنیشنل اسٹیڈیم میں کھیلا جائے گا، وہیں لیگ کا فائنل مقابلہ اسی اسٹیڈیم میں 21 مئی کو ہوگا۔ بی سی سی آئی کے مطابق آئی پی ایل کے 10 ویں ایڈیشن کا پہلا میچ پانچ اپریل کو موجودہ فاتح سن رائزرس حیدرآباد اور گزشتہ سال کی رنراپ رہی ٹیم رائل چیلنجرز بنگلور کے درمیان کھیلا جائے گا۔آئی پی ایل 2017 کے میچ ملک کے 10 مقامات پر 47 دن تک کھیلے جائیں گے۔ اس پروگرام کے تحت آئی پی ایل کی ہر ٹیم کل 14 میچ کھیلے گی جس میں سے سات میچ ٹیم کے گھریلو میدان پر کھیلے جائیں گے۔ اس ورڑن میں 2011 کے بعد ایک بار پھر اندور میں آئی پی ایل کے میچ کھیلے جائیں گے۔اس میں پہلا میچ آٹھ اپریل کو کنگز الیون پنجاب اوررائزنگ پونے سپرجائٹس اور دوسرا میچ 20 اپریل کو پنجاب اور ممبئی انڈینز کے درمیان کھیلا جائے گا۔