عزت کے ساتھ آئی پی ایل سے رخصت ہوناچاہیں گے دہلی اور بنگلور،آخری مقابلہ
نئی دہلی،13؍مئی(ایس او نیوز؍آئی این ایس انڈیا) پلے آف سے باہر ہو چکے دہلی اور بنگلور کا مقصد یہاں فیروز شاہ کوٹلہ میدان میں عزت کے ساتھ آئی پی ایل 10 کو الوداع کہنے کا ہوگا۔دہلی نے ٹورنامنٹ میں ٹکڑوں ٹکڑوں میں اچھی کارکردگی کی اور کچھ فیصلہ کن مواقع پر کی گئی غلطی سے اس کے ہاتھ سے پلے آف میں جانے کا موقع نکل گیا۔ دوسری طرف پچھلے سیشن میں رنر اپ ٹیم بنگلور نے پورے ہی ٹورنامنٹ میں انتہائی مایوس کن کارکردگی کا مظاہرہ کیا اور اسٹارکھلاڑیوں سے آراستہ یہ ٹیم ٹیبل میں آٹھویں اور آخری نمبر پر ہے۔ دہلی نے کل کوٹلہ میں پونے کو سات رنز سے شکست دی تھی جس سے 13 میچوں میں اس 12 پوائنٹس ہو گئے۔ دہلی کا یہی مقصد رہے گا کہ وہ کم سے کم جیت کے ساتھ ٹورنامنٹ کو الوداع کہے جو اس کے واسطے عزت بچانے والی حالت ہوگی۔
وراٹ کوہلی کی کپتانی والی بنگلور کی ٹیم میچ کو جیتے یا ہارے اس کا آخری نمبرپر رہنا طے ہے۔ بنگلور نے 13 میچوں میں صرف دو میچ جیتے ہیں اور 10 میچ گنوائے ہیں۔ وراٹ بھی چاہیں گے کہ ان کے کھلاڑی کم از کم آخری میچ میں اچھی کارکردگی کرکے کل فتح حاصل کرے۔ بنگلور کے کپتان وراٹ دہلی کے ہی کھلاڑی ہیں اور کوٹلہ ان کا گھریلو میدان ہے۔ وراٹ کے لئے یہ اچھا موقع رہے گا کہ وہ اپنے گھریلو میدان پر ایک عمدہ اننگز کھیلیں اور اپنی ٹیم کو جیت دلائیں۔ کوٹلہ میں کل دہلی اور پونے کا میچ دیکھنے کے لئے تقریبا 40 ہزار ناظرین موجود تھے اوراپنے دہلی کے کھلاڑی وراٹ کو کھیلتا دیکھنے کے لئے ان کے مداحوں کی بھاری بھیڑ جٹنے کی توقع ہے۔